amalinks wokungena

Breaking News

Batshayiwe Babotshwa Ababalisi Ngesikhathi Betshengisela Phezu Kodaba Lweholo


Artuz congress
Artuz congress

Kubotshwe ababalisi abangamalunga eAmalgamated Rural Teachers Union of Zimbabwe (ARTUZ) abalitshumi lanhlanu ngesikhathi betshengisela phezu kodaba lweholo eHarare ngoLwesithathu.

Amapholisa abophe njalo intathelizindaba ezimeleyo uMary Mundeya obethapha izindaba phezu kokutshengisela lokhu kodwa aphange amkhulula ngemva kokungenela kwamagqwetha eZimbabwe Lawyers for Human Rights.

Inhlanganiso yeARTUZ ithi ababalisi abanengi batshayiwe njalo kakubi.

Ithi ababotshiweyo bagoqela umkhokheli wayo uMnu Obert Masarawure, uWellington Gweshe, Sukoluhle Ndlovu, Linia Nkiwane, Rudo Maburutse labanye.

Ababalisi laba babotshelwe phambi kwamahofisi ogatsha lweNSSA lapho ekade kumele kuqhutshelwe khona umhlangano wokukhulumisana ngeholo phakathi kukahulumende lezisebenzi zakhe.

Kodwa ucine udluliselwa kusuku lwangoLwesihlanu ngoba imitshina yokuxhumanisa abantu ngomabonakude ibikwa ibingasebenzi.

UMasaraure labanye bakhe bebetshengisela besithi bafuna uhulumende abuyisele iholo labo kuUS$540 lapho elalikhona ngomnyaka ka2018.

Igqwetha labo uMnu Trust Mhanda ubesenkambeni yamapholisa ngesikhathi sisiya emoyeni ezama ukuzwisisa ukuthi abasolwa laba betheswa cala bani.

Kunakanelwa ukuthi babhekane lecala lokutshengisela ngaphandle komthetho.

Ingcwethi kwezombusazwe uMnu Effie Dlela Ncube utshele iStudio 7 ukuthi ukutshaywa lokubotshwa kwababalisi laba kuveza sobala ukuthi uhulumende kawahloniphi amalungelo ezisebenzi.

please wait

No media source currently available

0:00 0:02:14 0:00

Sehlulekile ukuxhumana lesikhulumeli samapholisa uMnu Paul Nyathi.

XS
SM
MD
LG