amalinks wokungena

'Yekelani Ukudlwengula Abesifazana Ngesikhathi Sokhetho'


Nampa abanye abatshengisele ngoLwesihlanu eBhilithani

Amalunga enhlanganiso yeWomen of Justice Arise (WOJA) ebunjwa ngabesifazana abadabuka eZimbabwe asebahlala eNgilandi ngoLwesihlanu batshengisele ngokufola besiyafika emawofisini enhloko kahulumende yakwele Bhilithani uNkosikazi Theressa May lapho abanikeze khona ugwalo lwabo lwezikhalazo zokuhlukumezwa lokudlwengulwa kwamantombazana asakhulayo labesifazana baseZimbabwe.

Bebezondile abatshengisele phandle kwesigodlo seZimbabwe kwele Bhilithani.
Bebezondile abatshengisele phandle kwesigodlo seZimbabwe kwele Bhilithani.

Abesifazana beWOJA bathe besuka lapho baphinde bafola besiyatshengisela emawofisini wommeli waseSouth Africa lowaseZimbabwe kwele Bhilithani besithi kujwayelikile ukuthi ngesikhathi sokhetho abesifazana labantwana bayahlukumezwa ngabesombusazwe njalo badlwengulwe yilabo abakhankasayo.

Umkhokheli weWOJA onguye njalo owayisungulayo, uNkosazana Deborah Jalo, uthi inhloso yokutshengisela kwabo yikuba sebesungule umkhankaso wokukhuthaza abezombusazwe ukuthi bavikele abesifazana sikhathi sonke njalo nxa sokusenziwa ukhetho.

Baphinde batshengisela phandle kwamawofisi yomkhokheli weleBhilithani.
Baphinde batshengisela phandle kwamawofisi yomkhokheli weleBhilithani.

Omunye njalo obekhona ekutshengiseleni lokhu nguNkosazana Madelline Moyo uthe bebetshengisela befola ngokuthula bezonikeza ugwalo lwezikhalazo zabo olwe petition kulabo abacabanga ukuthi bangalwela ilungelo labo.

Uphinde wachasisa njalo ukuthi abesifazane eZimbabwe kumele labo babe lethuba lokuthi bazikhethele abakufunayo ikakhulu khathesi lapho ilizwe libhekane lokulungiselela ukhetho lomnyaka ozayo ka2018 lokudinga amalunga edale lephalamende kanye lomongameli.

Nampa abanye abatshengisele ngoLwesihlanu eBhilithani
Nampa abanye abatshengisele ngoLwesihlanu eBhilithani

Bebegiya becula besethula imibiko embuthanweni lo wokufola betshengisela abesifazana beWOJA besekelwa njalo ngabezinye inhlanganiso ezigoqela eye Restoration of Human Rights lezinye.

Bakwenze konke lokhu phansi komkhankaso abasanda kuwusungula ophansi kwesihloko esithi “My right to vote #notyourrighttorape’ ohlose ukukhuthaza ukumiswa kodlame oluqondiswe kwabesifazana baseZimbabwe abaphakathi kwelizwe laphandle kwelizwe.

Facebook Forum

XS
SM
MD
LG