Isicelo sabesifzana abasakhulayo bebandla le MDC Alliance abalisa ummeli we Harare West edale lephalamende uNkosazana Joanna Mamombe, uNkosazana Cecelia Chimbiri loNkosazana Netsai Marova sokuba iziqondiso zabo ze bheyili ziyekethiswe siyaliwe ngumthethwandaba namhlanje.
Abathathu laba babikwa bemele baye enkambeni zamapholisa ezehlukeneyo kathathu ngeviki njengendlela yokuthoniswa besuka ngekhaya yikhoke bebecela uhlwehliselwa kulokhu. Iqwetha labo u Mnu Obey Shava ulandisa ngalokhu.
“Besisedale sifuna ukuba iziqondiso zabo ze bheyilei ziyekethiswe.Baya emapholiseni kathathu ngeviki. Idale lithe udaba lolu lulamalanga amalutshwana luphume emthethandaba kungakho uthe bazaqhubeka besiya emapholiseni kathathu”
Abathathu laba lawa babotshwe kunyanga ezimbili ezedluleyo ngemva kokutshengisela besola indlala eselizweni, besemzini we Warren Park, eHarare bacina betholakala bethunjiwe basebesetheswa icala lokutshengisela okungekho emthethweni lokungalandeli iziqondiso ze lockdown.