Abasekeli beZanu PF babikwa beqhubeka ngokwethusela uzulu ngokuthatha inombolo ezikuphetshana eliphiwa abantu ababhalisele ukuvota besithi lokhu kuzakwenza babekwazi ukuthi umuntu uvotele liphi ibandla kukhetho oluzayo.
Abehlanganiso yeZimbabwe Peace Project labamabandla aphikisayo agoqela eleMDC-T bathi lokhu kwenzakala endaweni ezitshiyeneyo zelizwe, ikakhulu emaphandleni.
I-ZPP yethule i-video enkundleni yeTwitter etshengisa abantu ethi ngontanga beZanu PF bebhala inombolo zama-receipts abantu ababeqeda ukubhalisilela ukuvota.
Le yinto esolwa ngabalwela amalungelo oluntu, abagoqela uMnu Zenzo Nyoni yena othi okwenziwa ngamalunga eZanu PF lokhu kutshengisa sobala ukuthi ukhetho oluzayo alusoze lube ngolukhululekileyo.
UMongameli Emmerson Mnangagwa yena sethembise ukuthi ukhetho lolu luzaqhutshwa ngendlela esobala, ekhululekileyo njalo kungela dlakela kumbe ukuqilibezela.
