amalinks wokungena

Breaking News

Benjani Mwaruwari: Inkokheli Yezemidlalo Yenguqu Kayibambane


Iqembu leZimbabwe Warriors

Umdlali wenguqu odume kakhulu ngokugiqa ibhola njalo wake waba ngukaputeni weqembu elimela isizwe elamaWarriors uBenjamin Mwaruwaru uthi ukungabambani kwabakhokheli benguqu lokungenelwa komsebenzi wenguqu ngabezombusazwe kubisela emuva lumdlalo eZimbabwe.

UBenjani udlale kweleBhilithane okweminyaka ephezu kwemihlanu edlalela amaqembu afana lePortsmouth, Manchester City, Sunderland leBlackburn Rovers engakubuyeli kwele South Africa lapha afika wadlalela amaqembu athize wasemiswa yikulimala.

Yenake uthi akasoze ancintise kukhetho oluzayo lokukhetha umkhokheli weZifa. Kodwa phela ubikwa uke wafanisela ukuthi uzancintisa kukhetho oluzayo kuyini osokuguqukile?

“Uyakubona nje ukuthi njengoba ngake ngazama ukwenza ngomnyaka ophelileyo and iminyaka ayizange ingivulele but okwamanje iminyaka ngisesekhona ebholeni ngizazama ukuthi ngincedise igrassroots. But ithi kesinike abakhona sikesibaqondise lapho abaphambanisa khona. Angeke ngitsho ukuthi ngingabakhona but isikhala singavuleka njengoba sasivulekile kuqala ngiyakhona ukwenza but okwamanje hayi iminyaka ngiseselayo esayidini lami ngingabuya for another term maybe 2022,” kutsho uMwaruwaru..

Njengoba emdlalweni wenguqu eZimbabwe kulokuxokozela kangaka kulwelwa izikhundla, kulungiseka kuthiwani okunje

Kutsho uMwaruwaru: “Ukuxabana kutshona kukhona indawo yonke but ebhoreni kumele sibambane siyenze into eyi one ukwenzela ukuthi siphumelele.

Njengakhathesi bayaxabana ukuthi baxabanelani phezulu khonangale asazi but isiqokoqela kumele senze igrassroots.

Kutsho uMwaruwaru: "Njengakudala sakhula sidlala ibhora lamaphepha. l still remember mina ngikhula ngangikhula ngigijima sidlala ibhora ngisithi ngifuna ukuba nguMadinda nguMadinda Madinda khathesi akusekho awusoze uhambe estaradeni uthole intwana lakhathesi amaplayers adlalela iPSL engeke ngibewazi wonke but kudala ngimncane ngile 7 years l could tell ukuthi kuDynamos kulobani, kuCaps kulobani, Highlander kulobani.”

UBenjani usichazele ngaphambilini ukuthi ngeke ancintsie kukhetho lweZifa kodwa ke njengomdlali odlale ebangeni eliphezulu kakhulu emazweni kungani engabi ngumqeqetshi wenguqu ikakhulu kuma Warriors

“Lowo ngumbuzo onzima kakhulu, sonke amafootballers sifuna ukuba ngamacoach sonke so mina hayi icoaching ngingaba ngucoach ngeke ngize ngiyirayithe out. But ngifuna ukuba njengoba ngake ngafuna ukuba yiZifa chairman so ukuthi ngibuyele back sokusibanzima ngingathi ngiyabe sengithethe a step backwards. But ma ngingayehluleka njengoba ngilepassion yebhora angeke ngikhiphe out ukuthi ngingaba ngucoach maybe you never know ngizacina sengingucoach wenational ngeke sazi,” kutsho uMwaruwaru.

Inguqu yamdlisa uMwaruwaru, wasebenza wathenga izindlu ezinengi koBulawayo laseSouth Africa njalo ulamabhizinisi athize amlethela inzuzo. OKwakhathesi uthatha abafana abancane abasakhulayo eZimbabwe jikelele ebathuthukisa kwezenguqu esikolo seHarare okuthiwa yiPrince Edward lapho ababhadalela khona indleko yezifundo okugoqela amaschool fees.

please wait

No media source currently available

0:00 0:03:10 0:00


Facebook Forum

XS
SM
MD
LG