amalinks wokungena

Breaking News

Abantwana Abaphila Emigwaqweni Benzelwa Idili leKhisimusi


Abantwana abaphilsa emigwaqweni amastreet kids abenzelwe idili leKhisimusi

Leli dili balenzelwe yisizalwane seZimbabwe esesihlala eNgilandi, uNkosikazi Flora Mahamba.

Flora Mahamba.
Flora Mahamba.

Umkhosi wokuthokozisa abantwana abangela ndawo zokuhlala bephila emigwaqweni yedolobho lakoBulawayo uqhutshwe ngaphansi kohlelo lukaMayor wedolobho lakoBulawayo lweKhisimusi. Bekungabizwa ozwayo abantwana bejabula bekhulekile, betshitshimba bebonga uNkosikazi Mahamba bethi bambalwa abafana laye ngoba ubakhumbule ngesikhathi bengacabangeli ukuthi bengakhunjulwa.

ISikhulumeli seKhansili yedolobho lakoBulawayo uNkosikazi Nesisa Mpofu laye ubonge kakhulu uNkosikazi Mahamba ethi iNkosi imbusise ngokuphindiweyo.

Abantwana abaphila emigwaqweni ama Street Kids besenzelwa idili leKhisimusi
Abantwana abaphila emigwaqweni ama Street Kids besenzelwa idili leKhisimusi

UNkosikazi Mahamba uthi uyabazwela abantwana abangela ndawo zokuhlala bephila emigwaqweni ethi kayisikho ukuthi bayakuthanda kodwa babhekana lobunzima obusuka bubakhulele.

Wengeze ethi laye ngomnyaka ka1976 wabalekela abazali bakhe waya empini ngakho uyakwazi qho okubhekane labantwana abahlala egangeni umehluko yikuthi yena waya empini lapho abhekana lobunzima angeke abulandisa.

Ohlala emigwaqwni uMelusi Ncube uthe uyajabula impela kuyinto abakade bengayicabangeli ukuthi engayithola ebonga.

Street Kids Christmas Party
Street Kids Christmas Party

Omunye njalo osakhulayo okusimo sinye, uPrince Sibanda laye uthi uNkosikazi Muhambi wenze into enhle emangalisayo edala ubuhlobo.

USibanda uchaze ukuba baze bengabafana bodwa kungatsho ukuthi amankazana awakho udubo yikuthi inengi labo liyagula njalo liba lamahloni.

Abantwana abahlala emigwaqweni laba babonge kakhulu ikhansili yedolobho lakoBulawayo, bebonga njalo uNkosikazi Mahamba yena othe evela eNgilandi wathinteka ngesimo sabo waqala ukubapha ukudla kusukela ngelanga lesine kuyonale inyanga kuze kube lamuhla acabange ukubenzela idili. Ngaphandle kokubapha ukudla, uNkosikazi Mahamba uthe uyakhulekela labantwana laba ukuba babelekusasa elihle.

Sekusele amalanga ambalwa ukuba iKhisimusi ifike, abantu baphakathi kokuyilungiselela kodwa abantwana abahlala emigwaqweni abalakho okunengi abakukhangeleleyo ngalesi sikhathi.

Udaba lwedili elenzelwe abantwana abahlala emigwaqweni siluphiwa nguAnnahstacia Ndlovu
please wait

No media source currently available

0:00 0:03:01 0:00

Facebook Forum

XS
SM
MD
LG