amalinks wokungena

'Inkampani yaseChina Ibingamelanga Iphathe Umsebenzi weBVR'

  • Ntungamili Nkomo

Ibandla leMDC-T lithi kalithakazeleli ukuphiwa kwenkampani yaseChina, iLaxton Group Limited, umsebenzi wokuthengisela iZimbabwe imitshina yokubhalisa abantu abazavota kukhetho oluzayo.

Ikomishini ebona ngokuqhutshwa kokhethi, iZimbabwe Electoral Commission (ZEC), yazise ngokuphiwa kwalinkampani umsebenzi ngempelaviki.

Kodwa iMDC-T ithi umsebenzi wokuthengisela eleZimbabwe imitshina yamaBiometric Voter Registration (BVR) ubumele unikwe inkampani yaseGermany, iDemalog Identification Systems.

Sokukhangelelwe ukuthi iZEC itsho ukuthi izaqalisa nini umsebenzi wokubhalisa abantu abalelungelo lokuvota.

Umsekeli wesikhulumeli seMDC-T, uNkosazana Thabitha Khumalo, uthe inkampani yeChina le kabayithembi ngoba ilizwe leChina lilobudlelwano lebandla leZanu PF.

Facebook Forum

XS
SM
MD
LG