amalinks wokungena

Breaking News

Biti: Ukhetho Ngeke Lwenziwe NgoMbimbitho


Zimbabwe's Finance Minister Tendai Biti addresses a news conference in Harare, Zimbabwe. (File)
Zimbabwe's Finance Minister Tendai Biti addresses a news conference in Harare, Zimbabwe. (File)
Umphathintambo wezemali uMnu Tendai Biti uthi uhulumende uzacela imali yokuqhuba ukhetho enhlanganisweni yomanyano wamazwe womhlaba eyeUnited Nations Development Program, iUNDP.

Inhlanganiso le yiyo ephathise kakhulu ngemali kuhlelo lokulotshwa kwesisekelo sombuso esitsha.

Ekhuluma eManchester University eBhilithani lapho amenywe ukuzokhuluma ngomumo weZimbabwe ngoLwesihlanu, uBiti uthe eleZimbabwe alikalungeli ukhetho uMongameli Mugabe athi ufuna lwenziwe ngoMbimbitho ngomnyaka ozayo.

Uthe kusakunengi okumele kulungisiswe andubana kuyiwe kukhetho. Wengeze wathi lanxa ebeke imali engangezigidi ezingamatshumi amahlanu amadollar-$50 million eceleni ekhangelane lokhetho, limali incane kakhulu ngoba kudingakala imali izigidi ezingangamakhulu amabili lamatshumi amahlanu amadollar-$250 million.

Ukuhlaziya lolu daba lwemali yokuqhuba ukhetho uNtungamili Nkomo weStudio 7 uxoxe lengcwethi ebona ngezokucubungula ezenotho uMnumzana Rejoice Ngwenya opha imbono yakhe.

please wait

No media source currently available

0:00 0:01:58 0:00
Lapho esitholakala khona



Kunjalo nje uMongameli Jacob Zuma, ongumlamulankunzi kudaba lweZimbabwe ukhangelelwe ukwazisa inkokheli yeSadc Troika ukuthi sengaphi ngemizamo yakhe yokulungisisa udaba lweZimbabwe.

Lokhu uzakwenza emhlanganweni weSadc wokuhlaziya udaba lweDRC leMadagascar oqhutshelwa eTanzania. Umhlangano lo uqale ngolweSihlanu uphela ngoMgqibelo.
XS
SM
MD
LG