amalinks wokungena

Breaking News

Biti: Ukubuyisela Umhlabathi Ezandleni Zabamhlophe Yikwephula Umthetho


Le fermier zimbabwéen Michael Campbell réagit le 28 novembre 2008 après que le tribunal de la SADC à Windhoek a statué que 78 Zimbabwéens blancs pourraient garder leurs fermes parce que le système de réforme agraire du gouvernement les discriminait, dans

Udaba lukahulumende othi abalimi abathathelwa amapulazi phansi kohlelo lokwaba kutsha umhlabathi kumele bambhalele nxa befuna ukuwabuyiselwa lawomalupazi luqhubeke lusegudwini ephalamende ngoLwesithathu.

Ekhuluma kulelidale, umsekeli kamkhokheli webandla leMDC Alliance uMnu Tendai Biti ukusolile lokhu esithi uhulumende usexotsha abantu abansundu abahlaliswa kutsha esebuyisela amapulazi ezandleni zabelungu.

UBiti uthe njalo udaba lokuthi uhulumende uzabhadala abalimi abamhlophe abathathelwa amapulazi laba imali engange US$3,5 billion akukho emthethweni.

Uthe ukuze lokhu kwenziwe, uhulumende kumele apasise umthetho edale lephalamende kuqala njalo aguqule isisekelo sombuso welizwe andubana kuyiwe ku-referendum lapho uzulu azathola khona ithuba lokutsho ukuthi uyavumelana lalokhu yini kumbe hatshi.

Ephendula uBiti, umphathintambo wezemithetho uMnu Ziyambi Ziyambi yena uthe kuyamjabulisa ukubona ukuthi ibandla leMDC Alliance selisekela udaba lokwabiwa komhlabathi.

Kowa ukulandule ukuthi uhulumende usebuyisela amapulazi ezandleni zabelungu.

Umgcinisihlalo weMDC Alliance uNkosazana Thabitha Khumalo utshele iStudio 7 ukuthi kungamanga ukuthi ibandla lakhe belingasekeli ukwabiwa komhlabathi.

UMakhumalo wengeze wathi abangavumelani yindlela umhlabathi owabiwa ngayo kusetshenziswa udlakela.

please wait

No media source currently available

0:00 0:02:05 0:00

Kodwa isiphathamandla seZanu PF uMnu Joseph Tshuma, egcizelela amazwi kaZiyambi, ukulandule ukuthi uhulumende usebuyisela amapulazi ezandlani zabamhlophe.

please wait

No media source currently available

0:00 0:02:13 0:00

Facebook Forum

XS
SM
MD
LG