amalinks wokungena

Breaking News

Uzulu Ukhonona Ngokungasebenzi Kwama VISA Card Phandle KweZimbabwe


Inhlanganiso elwela amalungelo abantu kwezomnotho eye Zimbabwe Coalition on Debt and Development (ZIMCODD) isikhuthaze uhulumende weZimbabwe ukuba engaqhubeki edinda imali yohlobo lwama bond notes.

IZIMCODD ithi lokhu akuncedi ukuvimba ubuyanga elizweni, nanku lamacard emali yebulenjini amaVISA Card engasasebenzi phandle kwelizwe.

Izizalwane zeZimbabwe eziqhubeka zibhekane lodubo lokusilela kwemali elizweni lonke, sezitshona zisendwendweni emabhanga zilinde ukuthola imali encane kakhulu kusukela kumatshumi amabili kusiya kwamahlanu amadola amabond.

Umqondisi wenhlelo eZIMCODD, uNkosikazi Noma Ncube, uthi abantu babhekane lobunzima obukhulu njalo uhulumende engaqhubeka edinda imali yohlobo lwamabond notes ilizwe lilakho ukubhazalala ngesisu kwezomnotho.

UNcube uphinde wathi besabela ukuba umnotho uzaqhubeka uwonakala lamalungelo abantu kwezomnotho esephulwa ngoba imali yohlobo lwama bond notes ingaselasisindo ngokuya kwesikhathi nanku ledola leMelika ngokwalo lokhe lisiya lingatholakali emabhanga.

UKhansila wakoBulawayo Mnu. Silas Chigora, uthi imali yamabond akusiyomali uqobo ifana leyezolo eyamabearer.

UMnu. Albert Sibanda yena uthi uselamalanga ezofola ebhanga kodwa imali iphela engakafiki njalo labamavinkili sebesithi umuntu athenge kuphela engaphiwa imali.

IZimbabwe ime manzonzo kwezomnotho njalo amabhanga ambalwa elizweni lonke jikelele enika abantu isilinganiso esincane semali bethi ayikho.

Udaba Esilethulwe NguNompumelelo Moyo
please wait

No media source currently available

0:00 0:05:04 0:00
Lapho esitholakala khona

Facebook Forum

XS
SM
MD
LG