amalinks wokungena

UMugabe Uthi Udaniswe Kakhulu Yikubhubha Kuka Masire weBotswana

  • Martin Ngwenya

UMongameli Robert Mugabe ukhuluma lapho okungcwatshwe khona uSir Ketumile Masire.

UMongameli Robert Mugabe uthi uselahlekelwe ngumngane wakhe wokucina emhlubulweni wangezansi yezwekazi eAfrica, ngemva komgcwabo okamongameli weBotswana wesibili, uSir Ketumile Masire duze leGaborone lamuhla.

UMugabe, okhanye ebunile njalo ekhuluma kancane kancane, uthe ulokudana ngokulahlekelwa ngumngane wakhe omkhulu, uMasire.

"Silahlekelwe sonke hayi khona iBotswana kuphela kodwa sonke, ngizwa ngilokudana enhlizweni ngoba kuyoyonke inkokheli eSADC uSir Ketumile Masire wayengumngane wami."

UMugabe ufike ngemva kwabahlonitshwa bonke ehamba kancane kancance osokuyinhlala yenza ngenxa yeminyaka esihambile.

UMongameli Mugabe efika lapho okubekwe khona uSir Ketumile Masire.
UMongameli Mugabe efika lapho okubekwe khona uSir Ketumile Masire.


Ngesikhathi kumele akhulume, uMugabe kazange anelise ukugada estejini, kodwa basondeze imitshina yokukhuluma lapho akade ehleli khona.

Ngemva komgcwabo, umsakazo weBotswana Television utshengise umongameli Mugabe ehlengezela inyembezi ekhala ngokuthi ulahlekelwe ngokufa kukaMasire.

Omunye oweZimbabwe obe ekulemfa, uthi uMugabe utshengise elinye icele abantu abangalicabangeliyo.

UMugabe ukhuluma emgcwabeni kaSir Ketumile Masire.
UMugabe ukhuluma emgcwabeni kaSir Ketumile Masire.

"Asimuzwanga etshinga, ikakhulu indaba zeMelika kumbe ezangentshonalanga, lamhla bekungenjalo, ube ezokhalela umngane wakhe."

Kodwa uthi kazwisisi ukuthi kungani uMugabe ube hanqwe liqula labaphathintambo abayisitshiyagalolunye, ukuza emfeni ngesikhathi iZimbabwe ikhala ngokuthi kayilamali.

"Okumangalisayo yikuthi ukhethe ukuza leziphathamandla ezinengi, ngesikhathi ilizwe leZimbabwe kuthiwa alilamali. Khangela iSouth Africa ilethe abantu ababili kuphela, yona ilomkhonomi ongcono."

Abahlonitshwa abangenele lomgcwabo bagoqela ababengomongameli beNamibia, uMnu. Sam Nujoma, Hifikepunye Pohamba, owayengumongameli weSouth Africa, uMnu.Thabo Mbeki, unkosi Letsie wesithathu weLesotho kanye lomsekeli kamongameli eSouth Africa, uMnu. Cyril Ramaphosa.

UMongameli Robert Mugabe
UMongameli Robert Mugabe

UMasire ubhubhe ngoLwesine oludluleyo eleminyaka engamatshumi ayitshiyagalo lunye lanye (91), ngemva kokudilikela phansi ethenga emavikilini.

Wayengumongameli weBotswana kusukela ngomnyaka ka1980 kusiya ku1998.

Facebook Forum

XS
SM
MD
LG