amalinks wokungena

Abatsha Bathi Bayahlupheka eBotswana

  • Martin Ngwenya

Bathwele nzima abatsha kwele Botswana.

Ngesikhathi kunanzwa ilanga lomntwana waseAfrica, iDay of the African Child, eyinye yentsha yeZimbabwe kwele Botswana ikhala ngendubo ebhekane lazo bengaphandle kwelizwe, bedinga amathuba okuziphilisa.

Inengi labantu eleqa umngcele lingena kweleBotswana lisiyadinga amathuba emsebenzi ngabatsha, okuvezwa yisilinganiso sabo esedlula amatshumi ayisithupha ekhulwini - 60%.

Intsha engaphansi kweminyaka engamatshumi amane ithi kulobunzima ebhakana labo ngesikhathi bedinga ukuziphilisa emazweni lapho abathuthela khona bebalekela udubo ekhaya.

UMnu. Irvin Ndlovu yena osebenza edolobheni leGaborone, uthi ilanga like June 16 els Day of the African Child, yisikhathi sokuthi babheke emuva be bone ukuthi impilo zabo zihamba njani.

"Kunzima ukudinga amathuba phandle kwelizwe. Lelilanga kumele lisinike umfutha njengentsha ukuthi lathi sibe lesabe kokwenzakala ekhaya, noma nje kungafuneki udlakela."

UMnu. Dumi Ncube yena uthi akukhwabitheki ukuba yintsha ungaphandle kwelizwe, labo belesifiso sokuba sekhaya bekholise izithelo zelizwe labo.

"Usibona silapha asikholisi, sifisa ukuthi ngabe lathi sisekhaya sisakha ilizwe lethu, lathi siyenelise ukuba yingxenye yembali uma kuthiwa intsha yantshintsha isimo njengalokhu okwenzakala eSouth Africa ngoJune 16."

Kukanti unkosazana Alice Dube yena uthi intsha kanye labantwana bathwele nzima ikakhulu bexotshwa yisimo somumo womnotho ekhaya.

"Abantwana bayangeniswa ngundlu kwamanye amazwe angomakhelwane kubafaka kuzo zonke ingozi, kukanti amantombazane ahanjiswa kwamanye amazwe ethinjiswa imsebenzi becina bebulawa kumbe bezithole sebukubhizimusi lokuphila ngokuthengisa imzimba. Yindubo intsha kanye lomntwana weAfrica abhekane lazo."

IBotswana layo ibambe imcimbi yokunanza lolusuku olwazalwa.

Facebook Forum

XS
SM
MD
LG