amalinks wokungena

Breaking News

Izizalwane ZeZimbabwe Ziqoqa Amadili Okuthakazelela Ikhisimusi


Christmas Card
Christmas Card

Inengi labeZimbabwe abahlala kweleSouth Africa baphume baya endaweni zokuzithokozisa ezitshiyeneyo, ezigoqela i-Zoo Lake.

Izizalwane zeZimbabwe ezihlala kwamanye amazwe ezingayanga ekhaya seziqalisile ukuqhuba amagigi ekhisimusi atshiyeneyo.

Inengi labeZimbabwe abahlala kweleSouth Africa baphume baya endaweni zokuzithokozisa ezitshiyeneyo, ezigoqela i-Zoo Lake lapho othola khona bengamaqenjaqenjana uzwenje ngomculo wasekhaya ukuthi laba ngabakwelikaMzilikazi. Abanye baqhuba amagigi la ezindlini zabo.

Amalunga enhlanganiso yaBalobi Bakithi ngabanye ababe legigi egoli. Isizalwane seZimbabwe uNkosazana Mercy Mvundla, laye obeyingxenye yala amagigi uthi bawaqoqa njengendlela yokuhlangana njengezizalwane zeZimbabwe besemukela ukhisimusi.

Sile farewell eyokuvalelisa ukuphela komnyaka. Siyajabula sibonga konke esesikwenzile lesidlule kukho. Sifiselake abahambayo emakhaya ukuphepha ezindleleni labasalayo besale beziphathe kahle beze bebuye siqale njalo umnyaka singabaphilayo.”

USonkondlo weZimbabwe owaziwayo uBongani Ncube yena uthi kunengi labo yiyo indlela abavala ngayo unyaka.

“Siyajabula lamhlanje kulusuku lokuvalelisana.

Abayemakhaya sibafisela inhlanhla kukho konke abakwenzayo, labazali emakhaya sibafisela inhlanhla, Ingathi bangayidlala kuhle size sihlangane futhi ngomnyaka ozayo singabaphilileyo siqhubeke ngomsebenzi omuhle esiwenzayo wokuvuselela ulimi.”

Unkosazana Sibonginkosi Ndlovu yena uthi lobanje bengaphumelelanga ukuya ekhaya ngezizatho ezitshiyeneyo, izinhliziyo zikhonale ezihlotsheni lebanganini.

Ngifisela abahamba ekhaya uhambo oluhle, kuthi labasekhaya ngibafisela ukhisimusi omuhle. Abahambayo ngithi bakhumbule ukusebenza khonale. Belime bengatshiyi bengalimanga.

Kunengi lamagigi la, kuyosiwa, kudliwe zonke ezifela emlonyeni ongazicabanga kanti abanathayo inlimi bahle batshwathike ezambeni ukuze babunkunkuluze kuhle.

Abagidayo bona bathi liyaze liyekuthi chatha elakusasa bengakabuquthi.

UBenedict Nhlapho Uyalandisa
please wait

No media source currently available

0:00 0:02:33 0:00


XS
SM
MD
LG