amalinks wokungena

Breaking News

Abokholo LwesiKristu Kabafuni Ukusebenzisa Amacondoms


UMnu. Aldrin Musiiwa, umsekeli womphathintambo wohlangothi lukahulumende olwezempilakahle.
UMnu. Aldrin Musiiwa, umsekeli womphathintambo wohlangothi lukahulumende olwezempilakahle.

Lanxa ubufakazi buveza ukuba liyaqansa inani labesilisa abasebenzisa ijazi lomkhwenyana (condoms) ekuvikeleni imikhuhlane, abaphatheke kumkhankaso yokusabalalisa ulwazi kwezokuzivikela emacansini bathi kudingakala ukuthi abokholo lwesiKristu babekwazi ngokuqakatheka kwama condoms.

Lokhu kuvezwe ngabasebenzelana lozulu emkhankasweni yokulwisana lokusababalala kwegciwane lengculaza ngesikhathi eleZimbabwe limanyane lamanye amazwe umhlaba wonke, ukunanza usuku oluqakathekisa ukusetshenziswa kwejazi lomkhwenyana ukuzivikela emkhuhlaneni etholakala kwezokuya emacansini, ele International Condom Day.

Umsekeli womphathintambo wezempilakahle, uMnumzana Aldrin Musiiwa, uthi sebengena imhlangano labafundisi ukwenzela ukuthi babonisane ngengozi zokuya emacansini mahlayana kungasetshensiswa indlela ezibalulakileyo zokuzivikela.

UNkosikazi Siphiwe Chabikwa, owenhlanganiso yeZimbabwe National Family Planning.
UNkosikazi Siphiwe Chabikwa, owenhlanganiso yeZimbabwe National Family Planning.

UNkosikazi Siphiwe Chabikwa, ophila legciwane njalo osebenza labe Zimbabwe National Network for People Living with HIV (ZNNP+ ), engumsekeli womgcinisihlalo eHarare, ukhala ngenkokheli zamabandla esiKristu othi kayifuni ukukhanga abantu ukuthi basebenzise ijazi lomkhwenyana.

USimon Muvindi, osakhulayo oleminyaka engamatshumi amabili lanye, ukhuthaza inkokheli ezinkonzweni ukuba ziphatheke ekulondolozeni impilakahle yabazalwane kwezemacansini, okubalisa ukuzivikela, besebenzisa ijazi lomkhwenyana.

UMuvindi uthi okwenza ukuthi inkokheli zamabandla zingakhuthazi abalandeli ukuba besebenzise lokhu yikuthi abafuni ukuba abantu baye emacansini ngasese.

Kasenelisanga ukuxhuma abezinkondlo abanye babo abangafuni ukuzwa ngejazi lomkhwenyana.

Udaba Esilethulwe NguMavis Gama
please wait

No media source currently available

0:00 0:04:29 0:00
Lapho esitholakala khona

XS
SM
MD
LG