amalinks wokungena

Breaking News

Liyakhuphuka Inani Labantu Abalomkhuhlane weCoronavirus eZimbabwe


FILE: Kuhlolwa umuntu ocatshangelwa ukuthi ulimkhuhlane weCoronavirus COVID-19. (AP Photo/Themba Hadebe)

Sokulabantu abedlula amatshumi amane – 44 – asebetholakale belomkhuhlane weCoronavirus COVID-19 eZimbabwe. Abafika phose amatshumi amabili sebesilile kuthi njalo abane babhubha. Okwamanje sokuhlolwe abantu abafika phose inkulungwane ezingamatshumi amathathu – 27, 059.

Emhlabeni wonke jikelele, isibhedlela seJohns Hopkins University sithi abantu abedlula izigidi ezine lengxenye – 4,651,000 sebetholakale belomkhuhlane lo. Abanye babo sebasila kuthi abedlula inkulungwane ezingamakhulu amathathu – 312,000 babhubha.

Kwele Melika sokulabantu abafika phose isigidi lengxenye abalomkhuhlane lo. Sokwabhubha abafika phose inkulungwane ezilikhulu – 89,000.

Lokhu kwenzakala ngesikhathi uMongameli Emmerson Mnangagwa esithi luzaqhukela phambili uhlelo lokuhlala ezindlini kusenzelwa ukunqabela ukumemetheka komkhuhlane weCoronavirus COVID-19.

Kukhangelelwe ukuthi uhlelo lolu luzahlolisiwa ngemva kwamaviki amabili ukwenzela ukuthi uhulumende abone inyathelo angalithatha. Kulabanye abantu abakhonona ngohlelo lolu kubelabanye njalo abaluthakazelelayo besithi luncede ekuvimbeni ukumemetheka komkhuhlane lo.

Facebook Forum

XS
SM
MD
LG