amalinks wokungena

Breaking News

Abalegciwane leCOVID-19 Bathi Bayabandlululwa eZimbabwe


FILE: Kuhlolwa umuntu ocatshangelwa ukuthi ulomkhuhlane weCOVID-19.

Abantu abahlolwa betholakale belegciwane leCOVID-19 bathi bayabandlululwa ngomakhelwane, izihlobo labanye eZimbabwe.

Omunye wabantu laba nguNkosikazi Tatenda Manzungu, ohlala eMilton Park eHarare.

“Ekubuyeni kwabe Rapid Results Team ukuzangihlola emzini wami, ngezwa omunye wabomakhelwane lapho engihlala khona eqoqoda ngathi ngokumvulela wangitshela ukuba uzongazisa ukuthi abantwana bakhe bethukile kakhulu ekuboneni abezempilakahle befika emzini wami.”

Banengi abantu abakusimo esifanayo osokwenze inhlanganiso ezitshiyeneyo zingenele ukwenzela ukuthi abantu bafundiswe ngegciwane leCOVID-19. UNkosikazi Sichasisile Ndlovu, umqondisi wenhlanganiso yeGwanda Community Youth Development Trust, ukhuthaza uhulumende ukuthi afundise abantu ngomkhuhlane weCOVID-19.

“Into engingayitsho yikuthi isimo sibi kakhulu ikakhulu nxa sikhangele indaba yokuthi ama cases eCOVID-19 ikakhulu ilocal transmission are increasing almost daily. Njalo futhi enye into engiyinanzelelayo yikuthi khona abantu nje emphakathini iCOVID-19 abayithathi ngendlela eyethusayo. Babona nje kungumkhuhlane ofanana leminye.”

Lokhu kusekelwa nguMnu. Cassim John, osebenza eHarare.

“Uzulu ukhangela okwenzakala kuhlangothi lwezomnotho lasezibhedlela bese umuntu ezitshela ukuba uselawo lumkhuhlane, azitshele vele ukuba akasela mpilo. Akunjalo, hamba uyohlolwa, wazi ukuba ukusimo bani. Lokho kungasiza kakhulu ekuthini wazi ukuba uziphathe njani lapho usemphakathini, labemuli kanye lalabo osebenza labo.”

UMnu. Irvine Takavada, olwela ilungelo likazulu, uthi kunengi abantu okumele babekwazi ngomkhuhlane weCOVID-19, ikakhulu nxa umuntu evalelwe endlini elokhuhlane lo.

Sebebandlululwa Abantu Abale COVID-19 eZimbabwe
please wait

No media source currently available

0:00 0:01:51 0:00


“Lendaba yokuzihlalisa wedwa (quarantine) uzathola ukuthi izihlobo zakho ngokwazo ziyabe sezikwesaba kuthi omakhelwane, kasikhulumi, bathatha isikhathi abantu ukuthi bakwemukele.”

UGeneral Constantino Chiwenga, ophethe ugatsha lukahulumende lwezempilakahle, uthi seluzaguquka kakhulu loluhlangothi, okubalisa ukuphathwa komkhuhlane weCOVID-19 luphathwa ngayo.

Facebook Forum

XS
SM
MD
LG