amalinks wokungena

Breaking News

Cricket: IZimbabwe Inqotshwa YiPakistan


Iqembu elimela iZimbabwe emdlalweni wecricket linqotshwe yiPakistan nge 5 runs emdlalweni wakuqala wamaOne Day Internationals odlalelwe enkundleni yeQueens Sports Club ngoLwesine koBulawayo.

IPakistan yiyo eqale ukutshaya ibhola yahlohla ama runs angu247. IZimbabwe yona iphendule nge 242 runs.

Abadlali beZimbabwe abathole ama runs amanengi nguBrendan Taylor yena othole 84 walandelwa nguVusumuzi Sibanda ohlohle 73.

Umdlalo wesibili uzadlalelwa eHarare ngeSonto.

Umdlali weZimbabwe uChristopher Mpofu utshele uNtungamili Nkomo weStudio 7 ukuthi iqembu lakhe lizabopha ziqine ukuze linqobe ngeSonto.

Okuhambelana lalokhu

XS
SM
MD
LG