amalinks wokungena

Breaking News

Odokotela Abakhalala Umsebenzi Batshaya Phansi Ngenduku Besithi Abafuni Ukuthoniswa Nguhulumende


UDokotela Dokotela Mthabisi Bhebhe

Odokotela abasathuthukayo abakunhlanganiso yeZimbabwe Hospital Doctors’ Association bemba phansi ngenduku besithi abasoze bayekuma phambi kwedale lomqhatshi okuluhlangothi lweHealth Service Board olubabhalele lubazisa ukuba kumele bazochasisa inyathelo labo lokuqhubeka bengabuyi emsebenzini okwenyanga ezintathu.

Odokotela laba bathi uhlangothi lukahulumende olweHealth Service Board alulalungelo lokubathonisisa njengoba lungasebenzi ngendlela.

Unobhala wenhlanganiso yeZimbabwe Hospital Doctors Association, uDokotela Mthabisi Bhebhe, uthi bangeke bathoniswa ngabantu abehluleka ukukhuphula iholo labo.

UDokotela Bhebhe uthi isinqumo lesi sithethwe ngemva kokunanzelela ukuthi uhulumende akazimiselanga ukulungisisa inkinga ababhekane lazo.

Uthi bazaqhubeka bengayi emsebenzini zize zilungiswe izikhalazo zabo.

Umgcinisihlalo wohlangothi lweHealth Services Board, uDokotela Paulinus Sikhosana, uthi kulilungelo labo ukuthatha inyathelo lokuqhuba leyo mihlangano yokuthonisa odokotela.

Kodwa unobhala jikelele wenhlanganiso yezisebenzi yeZimbabwe Congress of Trade Unions, uMnu. Japhet Moyo, uthi lanxa umthetho ubavumela abe Health Service Board ukuthonisisa izisebenzi, akaboni kulungisisa uhlupho olukhona.

UMoyo uthi inyathelo eselithathwa ngabe Health Service Board yisibonelo sokuthi sebeswele ababacebisayo ukuba baphathe njani udaba lokukhalala umsebenzi kwabodokotela.

Lokhu kuza ngemva kokuba uzulu esole inyathelo likahulumende lokuqhuba umkhosi wokufola kukhankaselwa ukwesulwa kwezijeziso ezetheswa ezinye iziphathamandla zeZanu PF.

Abantu bathi kudlaliswe imali obekumele ibe liholo labodokotela.

please wait

No media source currently available

0:00 0:04:00 0:00


Facebook Forum

XS
SM
MD
LG