amalinks wokungena

Breaking News

EleBotswana Liqinisa Umkhankaso Wokubopha Abahlala Kulelolizwe Bengelamvumo


Botswana Border
Botswana Border

Ngesikhathi eleBotswana lilungiselela ukunanza iminyaka engamatshumi amahlanu lambili lizibusa, abeZimbabwe abangelamaphepha okuhlala kulelozwe ngokusemthethweni, sebethwele amagabha avuzayo, bedlala umacatshelana lamapholisa.

Ngesikhathi eleBotswana lilungiselela ukunanza iminyaka engamatshumi amahlanu lambili lizibusa, abeZimbabwe abangelamaphepha okuhlala kulelozwe ngokusemthethweni, sebethwele amagabha avuzayo, bedlala umacatshelana lamapholisa.

Amapholisa avame ukuhle asungule imkhankaso yokubopha abangena eBotswana bengelamvumo. AbeZimbabwe yibo abakunani eliphezulu lalaba bantu ababuthwa ngamapholisa bephindiselwa ekhaya.

EleBotswana lilungiselela ukuthakazelela iminyaka engamatshumi amahlanu lambili lathola uzibusa ngeSonto, kodwa kwabe Zimbabwe abangalamaphepha okuhlala kulelizwe, yisikhathi sokugedla kwamazinyo.

Amapholisa aseqalile ukumisa amabhasi kanye lezinye imota ezigadwa nguzulu, bedinga labo abangalamaphepha.

Kwezinye indawo, ikakhulu imigwaqo emikhulu ephuma edolobheni leGaborone, amapholisa afake imigoqo yama roadblocks, lapho okume izimota ezihambisa ababanjwe emngceleni, ezaziwa ngokuthi ngama 'gumba gumba.'

Ababotshwayo bahlawuliswa imali engadluli inkulungwane zamapula besebebuyiselwa ekhaya, kusentshenziswa umngcele wePlumtree, lapho abatshiywa khona.

Kodwa inengi lihle liphenduke khonapho khonapho, osekubone eleBotswana lisilwa impi elingayinqobiyo.

please wait

No media source currently available

0:00 0:02:39 0:00

XS
SM
MD
LG