amalinks wokungena

Breaking News

EleMelika Liqhelisa Ngomnyaka Izijeziso Ezethulelwa Umongameli Mugabe


Umongameli Barack Obama

Umongameli Barack Obama useqelise isikhathi sokusebenza kwezijeziso zenotho ezetheswa uMongameli Robert Mugabe wele Zimbabwe labanye ababebandla lakhe leZanu PF, esithi ngoba umumo wezombusazwe elizweni lelo kawukalungi lokhu lezo zijeziso zetheswayo eminyakeni embalwa edluleyo.

Embikweni awethule ngoLwesithathu u-Obama uthe lezi zijeziso ezetheswa eleZimbabwe ngowayengu mongameli weMelika ngaleso sikhathi umnumzana George Bush zahlelwa ngenhloso zokulondoloza indingeko zeMelika kanye lokukhuthaza umbuso okhululekileyo.

Isahluko sesigodlo sikamongameli ese White House ese Section 202(d) somthetho weNational Emergencies Act (50 U.S.C. 1622(d)) sikubeka sobala ukuthi lezi zijeziso kumele kwethulwe isaziso sokuthi ziyaqhubeke minyaka yonke ngaphandle kokuba sokubonakale ukuthi akusadingeki ukuthi ziqhubeke okumele kuvunyelwane lalidale lephalamende ele Congress lele Melika.

“Ngakhoke phansi kweziqondiso zomthetho lo sengithumele isaziso kugwalondaba lukahulumende olwe Federal Register sokuthi phansi kweziqondiso lezi esigabeni Executive Order 13288 sikamhlaka Mbimbitho 6, 2003, ebesilokhe sivuselelwa minyaka yonke okwalonyaka izijeziso lezi kumele ziqhubeke okomunye umnyaka kusukela mhlaka 06 Mbimbitho , 2016.

Owayengumongameli weMelika ngaleso sikhathi u-Bush wethesa ele Zimbabwe lezi zijeziso zeExecutive Order 13288 ezika 2003, esethesa lelo lizwe umlandu wokungalandeli umbuso okhululekileyo wentando kazulu.

XS
SM
MD
LG