WASHINGTON DC —
Uhulumende wakweleMelika uthi kasoze asuse izijeziso zenotho ezafakelwa enye inkokheli yebandla leZanu PF kodwa uthi uzayekethisa lezizijeziso ukuze uzulu mathupha engafinyelelwa yimigoqo yazo.
Uhulumende lo wenze umhlangano ngoLwesine esigodlweni iWashington DC, kulandela ukhetho lweZimbabwe olusanda kwedlula lelilizwe elithi lwaba lokuqilibezela lemizamo yamazwe aweSADC yokuthi eleMelika lisuse lezi zijeziso.
Obengumgcinisihlalo wekhomidi kade isenza lumhlangano, uNkosazana Shanon Smith uthi kulenkokheli yeZanu PF edlula ikhulu elilodwa eqhubeka ingcindezela uzulu ifuna ukunotha inganakekeli muntu yikho ingasoze isuselwe izijeziso lezi.
Kodwa ilunga lenhlanganiso ye Zimbabwe Human Rights NGO Forum obemele inhlanganiso ezizimeleyo zeZimbabwe, uMnu. Arthur Gwagwa uthe kuqakathekile ukuthi izijeziso lezi zisuswe ngoba uzulu nguye osethwele nzima hatshi iziphathamandla zeZanu PF.
Kodwa uNkosazana Smith uthe ukhetho olusanda kwedlula beluliqetsha elihle lokuthi eleZimbabwe lidlelane lamanye amazwe nxa laliqhube ukhetho olukhululekileyo.
Isikhulumeli sebandla leZanu PF, uMnu. Rugare Gumbo utshele iStudio 7 ukuthi inyathelo elithethwe nguhulumende weleMelika litshengisa ukuthi lelolizwe belifuna ukuthi kususwe uMongameli Mugabe kodwa kwehlula.
Uhulumende lo wenze umhlangano ngoLwesine esigodlweni iWashington DC, kulandela ukhetho lweZimbabwe olusanda kwedlula lelilizwe elithi lwaba lokuqilibezela lemizamo yamazwe aweSADC yokuthi eleMelika lisuse lezi zijeziso.
Obengumgcinisihlalo wekhomidi kade isenza lumhlangano, uNkosazana Shanon Smith uthi kulenkokheli yeZanu PF edlula ikhulu elilodwa eqhubeka ingcindezela uzulu ifuna ukunotha inganakekeli muntu yikho ingasoze isuselwe izijeziso lezi.
Kodwa ilunga lenhlanganiso ye Zimbabwe Human Rights NGO Forum obemele inhlanganiso ezizimeleyo zeZimbabwe, uMnu. Arthur Gwagwa uthe kuqakathekile ukuthi izijeziso lezi zisuswe ngoba uzulu nguye osethwele nzima hatshi iziphathamandla zeZanu PF.
Kodwa uNkosazana Smith uthe ukhetho olusanda kwedlula beluliqetsha elihle lokuthi eleZimbabwe lidlelane lamanye amazwe nxa laliqhube ukhetho olukhululekileyo.
Isikhulumeli sebandla leZanu PF, uMnu. Rugare Gumbo utshele iStudio 7 ukuthi inyathelo elithethwe nguhulumende weleMelika litshengisa ukuthi lelolizwe belifuna ukuthi kususwe uMongameli Mugabe kodwa kwehlula.
