amalinks wokungena

EleSouth Africa Lixwayisa Uhulumende Ukuthi Enqabele Udlakela

  • Ntungamili Nkomo

EleSouth Africa lithi uhulumende womanyano kumele athathe amanyathelo aqinileyo okwenqabela udlakela kukhetho oluzayo, ukuze lungafani lolubekhona ngo 2008.

Umcebisi kaMongameli Jacob Zuma, njalo ekuqula elikhokhela imizamo yokulungisisa udaba lweZimbabwe, uNkosazana Lindiwe Zulu uthi amabandla akuhulumende womanyano kumele enze konke okusemandleni awo ukwenqabela udlakela kukhetho oluzayo.

UMongameli Mugabe uthi lolukhetho kumele lwenziwe lonyaka, kodwa amacele womabili eMDC athi akumelanga lwenziwe kungakalungisiswa okuhluphayo, okugoqela ukulotshwa kwesisekelo sombuso esitsha.

Iqula likaZuma beliseHarare ngeviki edluleyo ukuyakhulumisana lamabandla akuhulumende kulandela umhlangano weSadc Troika ngeviki edluleyo kwele Angola, oxwayise uMugabe ukuthi engaze agijimela ukhetho kungakalungisiswa konke okuhluphayo.

Ingcwethi ecubungula ezombusazwe uMnu Brilliant Mhlanga, yena ofundisa ekolitshini leUniversity of Westminster, uthi udlakela lungenqatshelwa kuphela nxa amabandla akuhulumende engakhuthaza abasekeli ukuthi belondoloze ukuthula.

XS
SM
MD
LG