amalinks wokungena

Breaking News

IZimbabwe Yesula Inhlawulo Yokwelatshwa Emaphandleni

  • Mavis Gama

pregnant women
Umbiko wokwesulwa kwenhlawulo ezibhedlela kubomama abazithweleyo, ingane ezileminyaka engaphansi kwemihlanu kanye lasebebadala abaleminyaka engaphezu kwamatshumi ayisithupha lanhlanu-65 wamukelwe ngembono ehlukeneyo.

Abanye bayalujabulela bethi loluhlelo beluvele seluphuzile. Kuthi abanye yibo abathi kunuka santungwana ngoba bebuza ukuba kungani seluqalwa manje ngesikhathi sekukhulunywa ngokhetho.

Uhulumende weZimbabwe usungule lolu hlelo ngemva kokuthola uncedo lwezigidi ezilitshumi lathoba minwe mbili zamadollar- US$ 18 million yinhlanganiso yomanyano wamazwe awe Europe eye European Union ngaphansi kwesikhwama seHealth Transition Fund.

Ngakwelinye icele uzulu uthi laloba elujabulela okwamagama loluhlelo ukuze luqhubeke ngendlela eqondileyo kumele uhulumende ehlukane lomkhuba wokuthembela ezimalini zoncedo ezivela kwamanye amazwe loba inhlanganiso zomhlaba kodwa adinge ezakhe indlela zokuthola imali yokulondoloza impilakahle kazulu elizweni.

Kubika intathelizindaba yeStudio 7 uMavis Gama osipha lolu daba eseHarare.

please wait

No media source currently available

0:00 0:04:38 0:00
Lapho esitholakala khona
XS
SM
MD
LG