amalinks wokungena

Breaking News

IZimbabwe Isile Sisekelo Sombuso Esitsha


UMongameli Robert Mugabe ulobe igama lakhe ku Constitutional Bill Number 20 ukuze ube ngumthetho uqhobo wahle waba yisisekelo esitsha sombuso emkhosini owenzelwe emahofisini akhe e State House. Lokhu kusitsho ukuba lesi sisekelo esitsha sesizathatha indawo yese Llancaster House ebesisebenza kusukela ilizwe lithola uzibuse.

Ekhuluma emkhosini wokusayina lesi sisekelo sombuso esitsha owenzelwe e State House uMugabe ukhuthaze ukuthula ngesikhathi sokhetho wathembisa njalo ukuba akusoze kwaba lezahlakalo zokuqilibezela.
Uthi kuyinto ejabulisayo ukuba usugqitshiwe umsebenzi wokulotshwa kutsha kwesisekelo sombuso esesithatha indawo yese Lancaster House esasetshenziswa ukulethela ilizwe uzibuse.

Zontathu inkokheli zamabandla akuhulumende womanyano zitshengise ukujabulela ukugqitshwa kwalomsebenzi wokulotshwa kutsha kwesisekelo sombuso.
Umkhokheli welinyelamacele eMDC uTsvangirayi ubonge uMugabe ngalomsebenzi wokulotshwa kutsha kwesisekelo sombuso.

Omunye wabasekeli benhloko kahulumende uMnu. Arthur Mutambara uveze ukujabula kwakhe encoma isehlakalo sokusayina lesi sisekelo esitsha ethi kuyinto emqoka embalini yelizwe.

Ngemva kwalomkhosi uTsvangirayi ubelomhlangano lentathelizindaba owenzelwe emahofisini eHarvest House eHarare.

Emhlanganweni lo uTsvangirayi uveze ukuba ihofisi yakhe yokuba yinhloko kahulumende izaqhubeka kuze kuyekufika isikhathi sokucithwa kukahulumende womanyano ngemva kokhetho oluzayo.

Inkokheli ebizikulomkhosi zibonge uzulu, abezokholo, inhlanganiso ezizimeleyo kanye labekhomidi yedale lephalamende ebikhokhela umsebenzi wokulotshwa kwesisekelo sombuso esitsha eye COPAC.

Lumkhosi owenzelwe eState House ngoLwesithathu ungenwe zinkokheli zamabandla ezombusazwe akuhulumende womanyano, abaphathintambo bengatsha zikahulumende, amalunga enhlanganiso ebikhokhela kulomsebenzi wokulotshwa kutsha kwesisekelo sombuso iCOPAC kanye lengcwethi kwezemithetho.
please wait

No media source currently available

0:00 0:05:09 0:00
Lapho esitholakala khona
XS
SM
MD
LG