amalinks wokungena

Breaking News

EleZimbabwe Likhuthazwa Ukuqhuba Ukhetho Lisebenzisa Amacomputer


Kulandela ukuphumelela kokhetho lwakwele Namibia olwenziwe kungela maphepha okufaka u-xa kodwa kusetshenziswa imitshina yakulezinsuku eyama Computer, inhlanganiso ye Crisis in Zimbabwe Coalition ibe lomhlangano eHarare wokuhlaziya ukuba eleZimbabwe lilakho na ukuqhuba ukhetho ngendlela efanayo.

ICrisis in Zimbabwe Coalition imanyene lenhlanganiso ye Election Resource Centre yenze lumhlangano ehoteleni lapho okuhlangana khona intathelizindaba, eseHarare eye Press Club .

Linhlanganiso ithi, ukhetho lweNamibia, olungolwakuqala ezwekazi le Africa ukwenziwa kusetshenziswa ama computer, luveze ukuba lindlela ilakho ukwenqabela ukuqilibezela.

Kukhetho osoluthe lwenziwa kwele Zimbabwe lokhe ilizwe lathola uzibuse amabandla aphikisayo ahlala ehlaba umkhosi ekhalaza ngokuthi amabhokisi okuvotela ayabe egqitshwe ngamaphepha ukhetho lungakaqali.

Kodwa lumhlangano awugqitshwanga kuhle ngemva kokuqhamuka kodlakela olucatshangelwa ukuba luqalwe ngababengamalunga alinhlanganiso abasola ubukhokheli obutsha be Crisis in Zimbabwe Coalition.

UChris Gande weStudio Seven uxoxe lesikhulumeli salinhlanganiso, uMnu. Mfundo Mlilo ukuze sizwe okunengi ngalumhlangano.

XS
SM
MD
LG