amalinks wokungena

Breaking News

EleZimbabwe Limanyana Lamanye Amazwe Ukunanza Ilanga LeWorld AIDS Day


Inhlanganiso ezilwela amalungelo abaphila legcikwane lengculaza zibikwa zitshengisele ngokuthula lamuhla emkhosini wokunanza ilanga le Worlds AIDS Day e Mutare, zikhalaza ukuthi uhulumende athuthukise inhlelo zempilakahle yabantu abaphila legcikwane kanye lomkhuhlane we ngculaza.

Inhlanganiso ezilwela amalungelo abaphila legcikwane lengculaza zibikwa zitshengisele ngokuthula ngoLwesine emkhosini wokunanza ilanga le Worlds AIDS Day e Mutare, zikhalaza ukuthi uhulumende athuthukise inhlelo zempilakahle yabantu abaphila legcikwane kanye lomkhuhlane wengculaza.

Indikimba yomkhosi walonyaka ithi: “Getting to Zero: Zero New HIV Infections. Zero Descrimination. Zero AIDS-related deaths.”

Uhulumende ukhuthaza abantu ukuthi balwisane lomkhuhlane wengculaza njalo abaphila legcikwane lomkhuhlane lo bengabandlululwa.

Icele le MDC elikhokhelwa nguMnu. Morgan Tsvangira lethule isikhalazo sokuthi kufanele uhulumende womanyano athuthukise inani labantu abathola amaphilisi ama ARVs elizweni.

USithandekile Mhlanga oweStudio 7 uxoxe lodokotela Joshua Sibanda endawonye loMnu. Sipho Mahlangu isiphathamandla senhlanganiso elwela amalungelo abaphila legcikwane lengculaza iZimbabwe National Network of People living with HIV/AIDS behlaziya okuphathelane lalumkhuhlane.

Ummeli weMelika eZimbabwe uMnumzana Charles Ray uthi uhulumende wakhe uzinikele ukupha usekelo kuhlangothi olubona ngabasakhulayo esibhedlela seMpilo leseKariangwe eBinga ukuze kuqedwe ukumemetheka kwegcikwane lengculaza ngaphansi kohlelo lwe “U.S. President’s Emergency Plan for AIDS Relief. Kubika intatheli yeStudio 7 uNothando Sibanda.

XS
SM
MD
LG