amalinks wokungena

Breaking News

Ugatsha Lwezomvikela Luthi Ngamanga Ukuthi Amasotsha Labanye Bazama Ukugenqula uMnangagwa


Soldiers are seen on the street in central Harare, Zimbabwe, Nov. 16, 2017.

Ugatsha lwabezomvikela olweJoint Operations Command luthi amabutho eZimbabwe labezomvikela bonke baqhubeka besekela uhulumende njalo akuqondanga ukuthi baqoqa ukugenqula uMongameli Emmerson Mnangagwa embusweni.

Bekhuluma emhlanganweni abawenze lentathelizindaba belomphathintambo obona ngendaba zasekhaya uMnu. Kazembe Kazembe, abakhokheli bengatsha zomvikela laba bathe imbiko yokuthi baqoqa ukuvukela uMnangagwa ngendlela abavukela ngayo owayengumongameli umuyi uRobert Mugabe imemethekiswa ngabantu abafana lowake waba yisiphathamandla seZanu PF oseyisiphepheli uMnu. Savior Kasukuwere.

UMongameli Mnangagwa laye utshele umhlangano weZanu PF Politburo ukuthi abamabandla aphikisayo lezitha zakhe bazama ukumgenqula ngokutshotshozela umvukela.

Usole abesifazana beMDC Aliance abathunjwayo abathi uNkosazana Joana Mamombe, uCecilia Chimbiri loNetsai Marova esithi baqamba amanga ukuthi bathunjwa ngenjongo yokuphehla umvukela.

Ngemva kwembiko yakhe, uMamombe labanye bakhe babotshiwe betheswa icala lokuqamba amanga ngokuthi bathunjwa.

Facebook Forum

XS
SM
MD
LG