amalinks wokungena

Breaking News

Dumiso Dabengwa: Ngiyale Ukuba Ngumsekeli KaMnangagwa


uMnu. Dumiso Dabengwa

Annahstacia Ndlovu

Umkhokheli webandla leZAPU, uMnu. Dumiso Dabengwa, uthi wala isikhundla sokuba ngumsekeli kamongameli kuhulumende kaMongameli Emmerson Dambudzo Mnangagwa ngoba yena wafunga ukuba ngeke wabalilunga leZANU-PF okwesibili.

UMnangagwa uthethe amaviki athize ezilazila ukukhetha ababili abazamsekela. Sokuvele imibiko ethi umkhokheli weZAPU ngomunye wabantu abefuna ukusebenza laye kodwa wamalela ngoba kukhona angavumelani lakho.

Ekhuluma ngosukulwe Unity Day koBulawayo, uDabengwa utshele umphakathi ukuthi wale ukuba ngumsekeli womuntu ongajabulelwa ngabantu basemhlubulweni weMaNdebeleni.

Uthi banengi abafike emzini wakhe, abanye bamtshayela ucingo beSIthi kavume ukusebenza loMnangagwa besola ukwala kwakhe isikhundla sokuba ngomunye wabasekeli bakhe.

Ohlaziya ezombusazwe, uMnunzna Effie Ncube, laye uvumelane loDabengwa esithi bekuzakuba liphutha elikhulu ukuthi avume isikhundla lesi.

Isakhamuzi sakoBulawayo, uMnu. Lungelo Ndlovu, uthe umkhokheli weZAPU uveze ukukhalipha kwakhe ngoba bekungaqondanga ukuthi asebenze lomuntu okuthiwa wancedisa ivuyo leGukurahundi ukubulala abalandeli bebandla leZapu eMatabeleland leNkabazwe kusukela ngomnyaka ka1982 kwaze kwayafika umnyaka ka1987.

Olwela amalungelo oluntu, uMnu. Thomas Sithole yena uthini ngokwala kukaDabengwa ukubakuhulumende weZANU-PF.

Kulandela ukwala kukaDabengwa ukuthi abengumsekeli wakhe, uMnangagwa ucine ekhetha uRetired General Constantino Chiwenga loMnu. Kembo Mohadi ukuba ngabasekeli bakhe.

Lokhu sokulethe inkulumo kulabanye abathi ilizwe selibuswa libutho.

UDumiso Dabengwa Wala Isikhundla Somsekeli Kamongameli
please wait

No media source currently available

0:00 0:04:22 0:00

Facebook Forum

XS
SM
MD
LG