amalinks wokungena

Breaking News

UMnangagwa Unika Inkokheli Yebutho Eyamfaka Esikhundleni Sikamongameli Izikhundla Eziphezulu


UGeneral Constantino Guveya Chiwenga lowayengumongameli uMnu. Robert Mugabe.

Obekhokhela ibutho lesizwe, uDefence Forces Commander Constatino Guvheya Nyikadzino Chiwenga usesiya ekuphumuleni elindele ukuphiwa omunye umsebenzi.

Kuthi-ke uLieutenant General Valerio Phillip Sibanda sokunguye osezathatha leso sikhundla.

Ngaphambilini uGeneral Sibanda ubelesikhundla sika Lt. General kubutho leZimbabwe National Army.

UAmbassador Major General Edzai Absalom Chanyuka Chimonyo usephiwe isikhundla sokuba nguLieutenant General.

Ngaphambilini uMajor General Chimonyo ubengummeli weZimbabwe eTanzania kuthi uAir Vice Marshal Elson Moyo usethole isikhundla esiphezulu waba nguAir Marshal esethatha isikhundla sokuba nguCommander, kubutho leAirforce.

Usikomitshi wamapholisa uCommissioner General Augustine Chihuri useye kukhefu kusukela mhlaka 15 Mpalakazi 2017 elindele ukuba aye ekuphumuleni kumpentsheni.

Umsekeli wakhe uDeputy Commissioner General Godwin Matanga nguye osezophatha isikhundla abe laso.

Uzulu we Harare okubalisa uMnu. Caleb Mangena, uthi akumangalisi lokho osekusenzakala kwabakubutho.

Kodwa uthi kuyethusa ngoba sekuvela mgceke ukuba bebevele bengabantu abaphatheke kwezombusazwe.

UAir Marsha Perence Shiri, owaphiwa isikhundla sokuba ngumphathintambo wezokulima, usephiwe isikhundla sokuba nguAir Chief Marshal lapho esesiya kumpentsheni.

Kuthi uMajor General Sibusiso Moyo, osengumphathintambo wezobudlelwano labakwamanye amazwe, osesiya kumpentsheni laye, usephiwe isikhundla sokuba nguLieutenant General.

Kuthi uMajor General Engelbert Rugeje yenaesekhwezwe ukuba nguLieutenant General, esesiya kumpentsheni laye.

Udaba Esilethulwe NguMavis Gama
please wait

No media source currently available

0:00 0:02:17 0:00

Facebook Forum

XS
SM
MD
LG