amalinks wokungena

Breaking News

Emmerson Mnangagwa: Ngizabumba Uhulumende Onciphileyo


uMnu.Emmerson Mnangagwa

UMongameli Emmerson Dambudzo Munagagwa uthi uzabumba idale labaphathintambo elincane kulalelo ebelingaphansi kukahulumende kaMnu. Robert Mugabe.

UMnangagwa uveze lokhu ngemva komhlangano awenze labomabhalani bengatsha zikahulumemende ngoLwesibili eHarare.

Emhlanganweni owenzelwe emahofisini akhe eMunhumutapa, uMunangagwa uthembise ukuba akekho ozoxotshwa umsebenzi ngaphandle kwalabo asebefikise iminyaka yokuyaphumula impentsheni.

UMnangagwa uthe labo abalengatsha ezizadilizwa bazosiwa kwezinye ukuyaqhuba umsebenzi ngaphansi kwe Public Service.

UMnu. Bekezela Gumbo, obona ngezokuqhutshwa kwenhlelo zenhlanganiso ebona ngombuso okhululekileyo, eye Zimbabwe Democracy Institute, ophethe njalo uhlangothi lwezokucubungula enhlanganisweni yinye, uthe kusobala ukuba abanye bazolahlekelwa yimisebenzi.

Uthe lokhu kungenzakala ngoba kumele kuveze uMunangagwa uzimisele sibili ukulungisisa isimo sengatsha zikahulumende.

UMunangagwa utshele abonobhala laba ukuba sesiphelile isikhathi sokudlala ngomsebenzi lokuba yimigoqo kokumele kwenziwe, obekubangela ukuphuza kokwenziwa kwemisebenzi obekuyamele yenziwe.

UMnangagwa wengezelele esithi izisebenzi zikahulumende zilehlandla elikhulu okumele zilidlale ekugcwaliseni okukhangelelwe nguzulu ikakhulu ukuthuthukisa inotho yelizwe.

please wait

No media source currently available

0:00 0:02:35 0:00

Facebook Forum

XS
SM
MD
LG