amalinks wokungena

Breaking News

UMnangagwa Ufisa Ukwenza Umhlangano loChamisa Wokuvimba Udlakela Kumabandla Ezombusazwe


UMongameli Emmerson Mnangagwa.

UMongameli Emmerson Mnangagwa uthi uzahlala phansi lomkhokheli webandla leMovement for Democratic Party, uMnu. Nelson Chamisa, ozamela umanyano we MDC Alliance kukhetho lwalonyaka ukuthi baxoxe ngodaba lodlakela oluphathelane lezombusazwe olukhanya luqhubekela phambili eZimbabwe.

Utsho lokhu emhlanganweni wenkokheli yamabandla ezokholo eHarare owe ‘Interactive Meeting with Churches in Zimbabwe’ obuhlolisisa indlela ezibalulekileyo zokuvimba udlakelwa kwezombusazwe ngesikhathi sokhetho.

Uthi ukhetho lwalonyaka akumelanga lube lodlakela njalo abezokholo kumele baxwayise amalunga ngobubi balo.

Osakhulayo, uPhathisani Lunga, uthe ukuhlangana kuka Mnangagwa loChamisa kunganceda kakhulu njengoba uzulu esehlaba omkhulu umkhosi ngodlakela olusemabandleni womabili, awe MDC-T le ZANU PF.

Ibandla le MDC-T selilama viki lilokulwisana phakathi kwalo, amalunga alo etshayana ebanga ubukhokheli balelibandla ngemva kokudlula kukamuyi uMnu. Morgan Tsvangirai owalikhokhela kusukisela ngomnyaka ka1999.

NgeSonto kulamalunga awebandla leMDC-T asakhulayo atshayane koBulawayo kwalimala abantu abanengi.

Inkokheli yamabandla ezinkonzo ehlangane lomongameli, bemelwe nguBishop Nehemiah Mutendi, bathe uMnangagwa sebemgcobe ukuthi ekhokhele kuntshumayelo yokukhuthaza ukuthula.

Uphinde wathi isikhalazo sika Mnangagwa sokuthi bame kukhetho oluzayo yinto abayamukelayo kodwa ngeke benelisa.

Umhlangano lo ubizwe yiwofisi kamongameli kaMongameli Mnangagwa ngenhloso yokuhlaziya ngesimo esiseZimbabwe ngaphambilini kokhetho.

Eyinye yenkokheli yamabandla ezokholo ekade ikhona igoqela uProphet Walter Magaya, Reverend Murombedzi Kuchera owayekhokhela ibandla lenkonzo leUnited Church of Christ in Zimbabwe lo Father Emmanuel Ribeiro.

Facebook Forum

XS
SM
MD
LG