amalinks wokungena

Breaking News

Kungcwatshwa Amathambo Omuntu Owabulawa yiGukurahundi


Kungcwatshwa amathambo omuntu okucatshangelwa ukuthi wabulawa libutho leGukurahundi.
Kungcwatshwa amathambo omuntu okucatshangelwa ukuthi wabulawa libutho leGukurahundi.

Izakhamizi zeGwandavale eMatopo esabelweni seMatabeleland South ngoLwesine zenelise ukungcwaba kutsha amathambo omuntu wesifazana obikwa ukuba wabulawa ngesikhathi sombhuqazwe weGukurahundi kulandela ukuvela kwamathambo akhe ngenyanga edluleyo ngemva kokuna kwezulu elikhulu.

Izakhamizi lezi zibeke iphika phansi kulandela ukungcwaba kutsha amathambo omuntu lo nomanje abanye bathe kabamazi kodwa ingwevu zesigaba zithi ngomunye wabesifazana owayeyinyanga owabulawa wayancwatshwa ngamasotsha.

UMnu. Simiso Masuku uthe wayezihambela wagwenxwa ngelinye lamathambo njalo le yindlela abayisebenzisa sikhathi sonke kodwa kulandela ukuna kwezulu umhlaba wagugudeka njalo kuduze lomfula lamasimu esinye isakhamuzi.

Uthe uphinde wathi ngemva kokuhlangana lensumansumane enjalo, bayabikela amapholisa kodwa eza afaka amatshe lehlahla kodwa uyajabula ngoba induna yesigaba, uMasuku, uze wazobancedisa ukuzongcwaba kutsha amathambo la ngoba bekungasahambeki kuleyondawo.

USobhuku weMzingwane, uMnu. Thomas Ngwenya, ubonge izakhamizi lebandla leMRP ngokusebenza ndawonye umsebenzi onzima wathi kutshengisa ukuba abantu basaselobuntu.

UNduna Killion Masuku laye ubonge izakhamizi zeGwandavale esithi benzekahle ngokunikeza inhlonipho kowafayo ngoba kuyazila ukuthi amathambo omuntu agiqike engabuthwa.

Kungcwatshwa amathambo omuntu okucatshangelwa ukuthi wabulawa libutho leGukurahundi.
Kungcwatshwa amathambo omuntu okucatshangelwa ukuthi wabulawa libutho leGukurahundi.

Umkhokheli weMRP, uMqondisi Moyo, uthe kabasoze bahlala phansi babukele uMthwakazi ebhekana lobunzima noma uhulumende engahlala ebabopha bazaqhubeka besiza njalo bebona ukuba amalungelo oluntu ayahlonitshwa.

Izulu liyana izwe lonke njalo selitshiye umonakalo omkhulu endaweni ezinengi kuthi amangcwaba abantu ababulawa ngesikhathi seGukurahundi inengi lawo awatshoni alakho ukugugudeka umhlabathi amathambo abantu akhukhulwe ngamanzi.

Izakhamizi zeGwandavale zicele ukuba uhulumende alandele indlela ezisemthethweni angcwabe kuhle abantu kulokuthi amathambo abo akhukhulwe lizulu kumbe abesegcekeni kulawo ayabe engabonwanga ngabantu esemahlathini.

Ngesikhathi sombhuqazwe abantu babebulawa mahlayana bengcwantshwe njengenyamazana.

Izakhamizi zeGwandavale zicele ukuba uhulumende alandele indlela ezisemthethweni angcwabe kuhle abantu kulokuthi amathambo abo akhukhulwe lizulu kumbe abesegcekeni kulawo ayabe engabonwanga ngabantu esemahlathini.

Ngesikhathi sombhuqazwe abantu babebulawa mahlayana bengwantshwe njengenyamazana ngemva kwezulu elinayo alakho ukuvela ngoba umhlabathi omnengi usugugudekile amathamboamanengi alakho ukuba akhukhulwe ngamanzi.

XS
SM
MD
LG