amalinks wokungena

Breaking News

Female Students Union Trust: Akuphunywe Lemithetho Yokuvikela Izifundi Zesifazana


Abenhlanganiso yezifundi zesifazana eyeFemale Student Network Trust

Abenhlanganiso elwela amalungelo ezifundi zesifazane emakolitshini lema universities eye Female Students Union Trust - FSU bathi bazoqhubeka bekhankasela indlela zokuvimba ukuhlukunyezwa kwezifundi zesifazane ezikolweni zemfundo yaphezulu eZimbabwe.

Bathi kumele kuphunywe lemithetho ezakwenza babotshwe abahlukumeza izifundi zesifazana ngoba ezinye zazo zicina zisiba lemikhuhlane yenqondo loba eyebngulamakwa ngemva kokudlwengulwa.

Izifundi zesifazane zikhala njalo ngokuhlukunyezwa ngababalisi labaqeqetshi ukuze ziphumelele ezifundweni lakumihloliso. Kungalesi sizatho ke abe FSU bekubone kufanele baqhube imikhankaso ekhuthaza ukuqedwa udubo lokuhlukunyezwa kwezifundi zesifazane sebesebenzisana lezesilisa.

Umqondisi weFSU, unkosikazi Evernice Munando uthi okudanisayo yikuthi kwenziwa langababalisi kuphethe sekubangela imikhuhlane yemacansini, eyengqondo, abanye becine bezibulala ngoba sebephelelwe beswele abangabasiza.

Sihlezi sikhankasela ukubekwa kwalezi ndlela ezikolweni zemfundo yaphezulu thina njengenhlanganiso ye Female Student Union Trust.

Lokhu sikwenza ngemva kokunanzelela ukwanda kwalezi zehlakalo zokuhlukunyezwa kwezifundi zesifazane esizitholiswa nsuku zonke esezilahlekelwa yimiphefumulo, zihlukunyezwa lokudlwengulwa.

U Leroy Mandeya oleminyaka engamatshumi amabili lane ngesinye sezifundi sesilisa eMorgan Zintec College osewazinikela ukuphathisana labe FSU ekulwisaneni lokuhlukunyezwa kwezifundi zesifazane emakolitshini.

"Sifela ngaphakathi ngoba singakukhiphi lokho okusihluphayo, singahlukumezekileyo mihla yonke kodwa siyesaba ukukutsho. Kuyasihlupha kakhulu okokuthi sicina sesingenwa yimicabango yokufuna ukuthatha imiphefumulo yethu."

Abe FSU bathi basebenzisana lohulumende kanye labehofisi yommeli wakweleMelika eZimbabwe.

Unkosikazi Gladys Thabani Thuthisani usebenzelana labehofisi yommeli we Melika eZimbabwe ebona ngezokuqhutshwa kwenhlelo zobudlelwano.

Esikwenzileyo yikuthi sithe thina sihlala sikhuluma ngakho, sihlala sikhuluma futhi labantu abesifazane ukuthi kule Gender Based Violence, kule Sexual Harrassment but asizake sibise abesilisa ukuthi babuye labo yingxenye yama programmes onalawa.

Ulandisa kabanzi ngokuqakatheka kokwethulwa kwemithetho evikela izifundi zesifazana.

"Sisenzela ukuthi khona babe yibo abazatshutshisa indaba eyokuthi i Gender Based Violence le Sexual Harrassment emakolitshini yehle, babe ngama advocates. Mina ngokubona kwami, yinto engaba nhle leyo."

Esinye seziphathamandla zekholitshini elifundelwa ububalisi, esingathandanga ukubethwa ngegama sipha umbono waso phezu kwaloludaba.

Minengi imizamo esithe yenziwa okubalisa ukulungiswa kwe " Sexual Harrassment Police Guideline " ngomnyaka ka 2015.

Siyakholwa ukuba lesi yisona sikhathi sokubona ukuba luyaphela kokuphela loludubo lukuhlukunyezwa kwezifundi kakhulukazi ezesifazane ezikolweni ze mfundo yaphezulu elizweni.

Inhlolisiso eyenziwa ngabenhlanganiso ezisebenzisana labesifazane kanye leye Female Student Network Trust ngomnyaka ka 2015, yaveza ukuba isilinganiso esesabekayo sokwedlula amatshumi ayisitshiyagalolunye ekhulwini ( 94% ) sezifundi emakolitshini lema university zaveza ukuba zike zahlangana lezehlakalo zokuhlukunyezwa ngendlela eyehlukeneyo okunengi kwakhona kusenziwa ngabaqeqetshi besilisa.

Linhlolisiso yaveza njalo ukuba zinhlanu kuphela izikolo zemfundo yaphezulu kwezingamatshumi amabili lanye ezasetshenziswa kulenhlolisiso, esezaphuma leziqondiso zokuvikela udaba lokuhlukunyezwa kwezifundi zesifazana.

Lezi ngezibalisa I Midlands State University, Bindura University of Science Education, Mutare Polytechnic College, Great Zimbabwe University kanye le Chinhoyi University of Technology ( CUT ).

Ngenxa yodubo lobuyanga, izifundi zesifazane ezinengi sezitholakala zibanjwa ngamandla ukuvuma ukuhlalisana labesilisa abalemuli zabo ababenza omakhwapheni bebabhadalela indleko zabo ngoba bebanika ucansi.

please wait

No media source currently available

0:00 0:04:56 0:00

Facebook Forum

XS
SM
MD
LG