amalinks wokungena

Breaking News

Gigaba: Sifuna Izizalwane zeSouth Africa Ezinengi Zisebenze Kwezokwakha, Lamawotela


UMnu. Malusi Gigaba

Umphathintambo wogatsha lwendaba zasekhaya kweleSouth Africa, uMnu. Malusi Gigaba, uthi ugatsha lwakhe luzahlolisisa okwenzakala kumankampani okudla lawokwakha okubikwa ekhetha ukuqhatsha izizalwane zakwamaanye amazwe kulezakwele South Africa.

Inkulumo kaGigaba le isiyethuse inengi lezizalwane zeZimbabwe ezisebenza kula mankampani.

Ekhuluma ngemva kokuqhuba umhlangano labosomabhizimusi abaseluhlwin lwezokudla, amahotela lezokwakha, umnumnzana Gigaba uthe ugatsha lwakhe lukhathazeke kakhulu ngembiko yokuthi inengi lamabhizimusi la kubikwa engafuni ukuqatsha izizalwane zakweleSouth Africa.

Uthi lokhu sekulethe ukufuthelana kakhulu phakathi kwabazalwa eSouth Africa lababuya kwamanye amazwe okuyibo abagcweleyo kula mabhizimusi.

UMnu. Gigaba uthi ngemva kokwemukela izikhalazo ezinengi ngaloludaba usehlele ukuthi kube lenhlolisiso yokudinga ukuthi kungabe kuliqiniso yini lokhu.

“Lokhu akulandaba lokuthi abakwamanye amazwe laba baselizweni ngokusemthethweni kumbe hatshi. Kodwa okusemqoka yikuthi uyisizalwane sakweleSouth Africa kumbe hatshi. Esikufunayo yikuthi kuzisebenzi zonke zamankampani akuleli, isilinganiso sokungamatshumi ayisithupha kube yizizalwane zakweleSouth Africa njengokutshiwo ngumthetho.”

Uhulumende uthi kumele babebanengi abantu beSouth Africa abasebenza kwezokwakha.
Uhulumende uthi kumele babebanengi abantu beSouth Africa abasebenza kwezokwakha.

Ugcizelele ukuthi okwenza alusukumele loludaba yikuthi lulakho ukubangela udlakela lokucwasana ngemihlobo.

Uthi njalo okunye afuna ukukulungisa yisenzo sala mankampani sokugegelela abakwamanye amazwe laba ukuze babaholise imali ephansi.

Amazwi kaMnu. Gigaba eseyethuse izizalwane zeZimbabwe okuyizo ezinengi kula amabhizimusi.

Abatshaywa luvalo kakhulu yilabo abasebenza kulamankampani bengelamvumo yokuba kweleSouth Africa.

Isizalwane seZimbabwe, uMnu. Keystone Ncube, uthi bona kabathatheli muntu imisebenzi.

UMnu. Titus Ndlovu ugcizelele esithi loba-nje lelinyathelo lizatshiya izizalwane zeZimbabwe ezinengi zingasela misebenzi, kuhle ukuthi kubelendlela yokuthi labo abasebenzayo bengaqilibezelwa.

“Akube lemigomo yokuthi bonaba abantu ababuya ngaphandle babhalise ngokupheleleyo, bakwazi ukungena kuma unions babe lamalungelo okuzilwela … ngibona engani into ziyahamba kahle ngoba manje abaqatshi baqila abantu babone engathi hayi laba abantu bangaphandle batshiphile … abalamaphepha abalani … bayabaxhaphaza nje.”

Inani labangasebenziyo kweleSouth Africa selisedlula isilinganiso sokungamatshumi amabili lanhlanu ekhulwini, osekusenza uhulumende angahlaliseki ngenxa yokukhonona kwalabo abafuna adale amathuba emisebenzi.

udaba esilethelwe ngu Benedict Nhlapho
please wait

No media source currently available

0:00 0:02:44 0:00
Lapho esitholakala khona

Facebook Forum

XS
SM
MD
LG