amalinks wokungena

Breaking News

'Abaphila Impilo Yobubili Obufanayo Akumelanga Besabe Lutho'


Kulezizalwane ezinengi zase Zimbabwe esezihlala emazweni lapho ezithola ithuba lokungabandlululwa loba ukubhekelwe phansi ngoba bephila impilo yobubili obufanayo.

Isikhathi sizofika na lapho abantu abalobubili obufanayo bazoziphilela kahle eZimbabwe bengabandlululwa lokuphakanyiselwa inkophe?

Kungxoxo ayenze lomsakazo weStudio 7, uMnumzana Mojalifa Mokwele, ongomunye wabakumsebenzi wokulwela amalungelo oluntu, uthe kulusizi ukuthi ngomnyaka ka2016 lokhe kulobandlululo kubantu abalobubili obufanayo eZimbabwe.

Omunye osakhulayo wase Zimbabwe, uMnumzana Frank Malaba, ongomunye wabaphila impilo yobulili obufanayo, uthe eyinye into eyenza ukuthi umphakathini wase Zimbabwe ubabhekele phansi abantu abalobubili obufanayo yikuthi abantu abazwisisi ukuthi kwenzekalani ukuze umuntu abe ngomunye wabaphila impilo yobulili obufanayo.

“Akusilona icala ukuba ngumuntu olobubili obufanayo eZimbabwe ngoba akulamthetho ocacileyo ongabotshelwa ukuthi ungumuntu onjalo,” kusho uMokwele.

UMokwele uthe ithemba lisasekhona lokuthi inguquko ingaba khona ngokwamukelwa ngcono nguzulu waseZimbabwe abantu abalobubili obufanayo.

UMokwele ukhuthaza labo abesabayo ukuphumela egcekeni lokuziqhenya ngokuba ngumuntu olobubili obufanayo, ukuthi bangesabi ngoba abekho bodwa njalo kuzalunga ngelinye ilanga.

XS
SM
MD
LG