amalinks wokungena

Inkampani Eyakha iGodini Mall Ithi Izafaka Isithombe Senkosi uLobengula Kuleyondawo


Abantu abagada imitshova eGodini Mall.

Izakhamizi zako Bulawayo sezithakazelele ukwakhiwa kwesivande samaluba eGodini lapho okuzafakwa khona isithombe seNkosi uLobengula. Abalonda imbali yesizwe sikaMthwakazi labo bathabe okumangalisayo ngalokhu.

Abakhukhulume lomsakazo lo bathe kuhle kakhulu ukuthi inkampani yeTearracotta izakwakha isithombe lesi lapho ekhangelelwe ukuthi izethulela khona uzulu isihonqo esikhulu samavinkili ese Godini Mall.

Bathi le yinhlonipho enkulu kakhulu eyenzelwe iNkosi uLobengula eyenyamalala ngesikhathi abamhlophe abahlome baphelela bengena edolobheni lako Bulawayo.

UMqondisi wenkampani yeTearracotta, uMnu. Thulani Moyo, uthe benze lokhu ukwenzela ukuhlonipha inkosi yokucina yaMaNdebele endaweni abazakwakha khona amavinkili alohlonzi.

UMoyo uthe le yindawo engcelelane lendlela ebizwa ngokuthi nguLobengula Street eqonda lapho iNkosi uLobengula eyayisenzela khona imikhuba eqakathekileyo yesizwe saMaNdebele.

Olonda imbali yabantu abehlukeneyo, uMnu. Saul Gwakuba Ndlovu, uthe kuyisibonelo esihle esenziwe yinkampani le ngoba lokhu kuzakwenza kube lula ukuthi kulondwe imbali yaMaNdebele egoqela iNkosi uLobengula, iNkosi uMzilikazi lezinye inkosi aMaNdebele engakafiki kulelolizwe.

Obona ngezamasiko kubandla leZAPU, uMnu. Cosmas Mafu, uthe bayamukela ngezandla zombili icebo lokwakha isithombe seNkosi uLobengula eGodini Mall.

UMnu. Greater Sibanda, isikhulumeli sika Mnu. Raphael Stanley Khumalo othi nguye oseyinkosi yaMaNdebele, uthe kuyathokozisa okwenziwe yinkampani yeTerracota lobanje konke lokhu kwenziwe ngasese.

Okwamanje koBulawayo kulesithombe sikamuyi uJoshua Mqabuko Nkomo, owayekhokhela ibandla leZapu njalo owayengumsekeli kamongameli welizwe leZimbabwe.

Esinye esake sethulelwa uzulu emagcekene eTown Hall esasiveza izitho zansitha zendoda, esasibizwa ngokuthi ‘Looking Into The Future’, sakhitshwa nguhulumende kaMnu. Robert Mugabe, owathi sazihlambaza abantu lohulumende wakhe.

Facebook Forum

XS
SM
MD
LG