amalinks wokungena

Breaking News

Abemba Okutshiyeneyo eMazowe Babophisa uGrace Mugabe


Abantu abaxotshwa nguNKosikazi Grace Mugabe epulazini leManzou belegqwetha labo.
Abantu abaxotshwa nguNKosikazi Grace Mugabe epulazini leManzou belegqwetha labo.

Abalemigodi epulazini leSmith Field Farm eMazowe bathi sebekhweza udaba lokuthukwa kwabo nguNkosikazi Grace Mugabe, umka Mnu. Robert Mugabe, owayengumongameli welizwe leZimbabwe. Bathi uNkosikazi Mugabe wathi batshontsha imitshina yamacomputer yohlobo lwama laptop esikolo sentandane eseMai Mugabe Children’s Home.

Abanikazi bomgodi weMondo Four ose Mazowe batshele umsakazo weStudio 7 ukuthi okwakhulunywa nguNkosikazi Mugabe kwabephula inhliziyo.

UNkosikazi Mugabe wathi bangamasela njalo babesona kakhulu emasimini akhe lapho okwakule zihlahla zama lemoni.

Omunye wabemba amatshe aligugu eMazowe, uMnu. Phillip Makanya, uthi bathukwa ngendlela uchaphulayo okwenza ukuthi bahambise udaba lolu emthethwandaba.

UMnu. Sheperd Nyazvigo loMnu. Themba Nyoni, abasebenza emgoqini lo, bathi kungamanga konke okwakhulunywa nguNkosikazi Mugabe.

Bathe kukhanya engani kuqhubekela phambili ukuhlukuluzwa kwabo nguNkosikazi Mugabe obonakala ukuthi ufuna indawo le ngamehlo abomvu.

Kasenelisanga ukukhuluma loNkosikazi Mugabe.

Udaba Esilethulelwe NguMavis Gama
please wait

No media source currently available

0:00 0:03:38 0:00

XS
SM
MD
LG