amalinks wokungena

Gumbo: Hambani Ngonanzelelo Batshayeli Bezimota

  • Ntungamili Nkomo

Umphathintambo obona ngokuhamba kwezimota lokuthwalwa kwabantu, uMnu. Joram Gumbo, sekhuthaze abatshayeli ukuthi bahambe ngonanzelelo olukhulu ukuze kwenqatshelwe ingozi zomgwaqo.

UGumbo wethule inkuthazo le ngoLwesibili ngemva kwembiko yamapholisa ethi kulabantu abalitshumi lasithupha abafele engozini zomgwaqo ngelanga lekhisimusi.

Leli linani eliphezulu kakhulu nxa kuqathaniswa lenani lanyakenye lapho okwafa khona abantu abahlanu kuphela ngosuku lwekhisimusi.

Omela isigaba seBinga North edale lephalamende, uMnu. Prince Dubeko Sibanda, ugcizelele amazwe kaGumbo esithi ukugijima ngemota ayisikho ukufika.

“Kuqakathekile ukuthi abatshayeli betshayele ngonanzelelo emgwaqweni ukuze bengaze bafaka impilo zabo lezikazulu engozini,” kutsho uMnu. Sibanda.

XS
SM
MD
LG