amalinks wokungena

Breaking News

Yamukelwa Ngenjabulo Inkuthazo Yokusetshenziswa kweICT kuKhansili yeHarare


Harare - Munich Twinning

Inhlangothi ezehlukeneyo zivumelana ukuba kuqakathekile ukuba omanisipala bathathele phezulu ukusetshenziswa kwemitshina yakulezi nsuku, ye Information and Communication Technology ( ICT ), okuzaphathisa ekuthini kuphele ukungathembeki, kuthuthukiswe ukusebenza okumgceke.

Lokhu ngokunye kokuphume emhlanganweni wokubonisana kuhlangothi lokusetshenziswa kwendlela zakulezinsuku ekuqhubeni umsebenzi kuhlelo lokusebenzelana kwedolobho leHarare lele Munich lakwele Germany, owenzelwe ePandhari Lodge lamuhla ekuseni.

Oze emele umanisipala weMunich, owake waba nguMayor walelodolobho, umnumzana Hep Monatzeder utshele intathelizindaba ukuba kumqoka ukuthi kusetshenzwe ngendlela ebeka into zonke egcekeni ukuze uzulu we Harare amukele indlela ezizosetshenziswa kulelidolobho.

Bebekhona abaze bemele uzulu okubalisa abe Harare Residents Alliance – HARA ekhokhelwa ngumnumzana Israel Mabhoho oncome lelinyathelo lokusetshenziswa kwemitshina yakulezi nsuku kizo zonke inhlangothi zakhe umanisipala weHarare.

Okumkhathazayo uMabhoho, kuludaba lwenkokheli zombusazwe, athi yizo ezivame ukudonsela nganxanye, zikhangela okuthuthukisa zona kuphela hatshi okuphathisa uzulu.

UCouncillor ka Ward 39 emzini weDzivarasekwa umnumzana Gilbert Thamsanqa Hadebe ngomunye wenkokheli ezingene lumhlangano, laye ekhanya eluthakazelela loluhlelo.

Kumqoka ukuba uzulu achasiselwe ubuhle bokusebenzisa indlela yemitshina yakulezinsuku ukuze amukele ngokwaneleyo, kungabi yinto eyenziwa engazi kuveza uHadebe.

Ukuphathiswa kwedolobho le Harare ekusebenziseni indlela zakulezinsuku ukuqhuba umsebenzi, kulethwa ngumanyano ovele ukhona phakathi kwalo lele Munich phansi kohlelo lwe Twinning of City of Harare lele Munich.

Ingcwethi zokusetshenziswa kwemitshina yakulezi nsuku eye IT zithi lungasabalala kunhlangothi zonke loluhlelo, kuzaphathisa ekuqedeni udubo lokungathembeki lokutshaphazwa kwemali, kuzakwenza kube lula ukubona okwenzakalayo lalapho okonakala khona sikhathi sonke.

Udaba lokusebenzelana kwedolobho leHarare leleMunich kweleGermany
please wait

No media source currently available

0:00 0:03:16 0:00
Lapho esitholakala khona

XS
SM
MD
LG