amalinks wokungena

Heal Zimbabwe: Amalunga eZanu PF Ethusela Izakhamizi Emaphandleni

  • Ntungamili Nkomo

Inhlanganiso yeHeal Zimbabwe ithi ukuhlukuluzwa kwezakhamizi emaphandleni ngabasekeli beZanu PF kuqhubeka kudlondlobala endaweni ezitshiyeneyo zelizwe.

Embikweni wayo okhangela izehlakalo zodlakela ezenzakale ngoNhlangula, inhlanganiso le ithi abasekeli beZanu PF laba, bethusela uzulu besebenzelana lenkokheli yosiko.

Ithi iZanu PF isebenzisa ukudla ukudinga usekelo njalo itshela abantu ukuthi bayivotele ngoba inganqotshwa ngomnyaka ozayo bazakubona okwabonwa yingidi.

Ukwethuselwa lokuhlukuluzwa kwabantu lokhu kubikwa kubhahe kakhulu ezigabeni ezigoqela eMashonaland West, eMashonaland Central leMidlands.

Isikhulumeli seHeal Zimbabwe, uMnu. Rollings Magede, uthi nxa ukuhlukuluzwa kwabantu lokhu kungamiswanga ukhetho oluzayo alusoze lusuthise wonke umuntu.

“Kuyasihlupha kakhulu njengenhlanganiso ukubona abantu besethuselwa ngalindlela,” kutsho uMagede ekhuluma leStudio 7.

Kodwa isiphathamandla sebandla leZanu PF uMnu. Joseph Tshuma uthe akawakholwa amazwi enhlanganiso yeHeal Zimbabwe.

Facebook Forum

XS
SM
MD
LG