amalinks wokungena

Breaking News

Madinda Ndlovu: Sizalinqoba Iqembu leNgezi Platinum Loba Abanye Abadlali Bethu Belimele


Highlanders Football Club

Umqeqetshi weqembu leHighlanders uMadinda Ndlovu uthi ulethemba lokuba abafana bakhe bazamisana leqembu leNgezi Platinum Stars ngoMgqibelo loba nje kulabadlali abambalwa abalimeleyo.

Iqembu leHighlanders lilabadlali abambalwa abalimeleyo ababalisa uTendai Ndlovu, uNigel Makumbe, uBen Munsaka, uOzias Zibande, kanye loThabo Lunga kodwa uNdlovu uthi ukangabi khona kwalaba badlali kulakho ukupha ithuba abanye abadlali abangavamanga ukudlala.

“Njengoba sabona uMbongeni Ndlovu engena edlala ngendlela adlala ngayo silabo njalo abanye abafana abangangena bedlale kakuhle.”

Kweminye imidlalo yesigaba seCastle Premier Soccer League ekhona ngoMgqibelo, iqembu le Mutare City lizangqikilana lele FC Platinum enkundleni ye Vengere, iqembu le Black Rhinos lizemukela ele Bulawayo Chiefs ngase Rufaro Stadium, iqembu leHerentals lizadlala lele Harare City, abafana beNichrut bazadibana labe CAPS United ngase Ascot, iqembu le Chicken Inn lizemukela ele Yadah ngase Luveve kuthi iqembu le Shabanie Mine lizadlala lele ZPC Kariba ngase Maglas.

NgeSonto iqembu leDynamos lizadibana lele Bulawayo City ngase Rufaro kuthi iqembu le Triangle lizadlala lele Chapungu enkundleni yeGibbo.

NgoMgqibelo, ngosuku lokucina olombukiso weZimbabwe International Trade Fair kuzaqhutshwa umncintiswano wokugijima owe Coca Cola Four Minute Mile wona ozangenwa ngabadlali abangamatshumi amabili.

Lumncintiswano uqhutshwa minyaka yonke njalo abadlali kuyabe kumele bebhode inkundla kane ngaphansi kwemizuzu emine.

Owanqoba nyakenye nguTrust Chidomaya oweqembu leZRP Fairbridge.

Ekupheleni komncintiswano wokugijima kuzaqhutshwa umncintiswano we Ingwebu Zimbabwe National Tug of War Championships lawo ozaqhutshelwa khona emagcekeni eZimbabwe International Trade Fair Arena kusasa ngoMgqibelo emini.

UMadinda Ndlovu Uthi Abafana Beqembu leBosso Bazayilahla Phansi iNgezi Platinum
please wait

No media source currently available

0:00 0:01:49 0:00

Facebook Forum

XS
SM
MD
LG