amalinks wokungena

Breaking News

Iqembu leHighlanders Litshiya eleDynamos Limanikiniki


Litshaye kwazwela iqembu leHighlanders FC

Abalandeli beqembu leDynamos kubikwa betshengisele ngemva komdlalo weqembu labo leqembu leHighlanders bekhonona ngendlela leliqembu eliqhuba ngayo lonyaka.

Umdlali weBosso, uOzias Zibande, ulithele emambuleni kumizuzu engamatshumi amane.

Iwembu leDynamos libona ntuthu lonyaka njengoba lingakanqobi emidlalweni emine selokhe kuqalise imidlalo yePremier Soccer League lonyaka.

Iqembu le Ngezi Platinum lisele kuyilo lodwa eselinqobe kuyo yonke imidlalo emine esidlalwe kusigaba se Castle Premier Soccer League lonyaka ngemva kokuba linqobe ele Nichrut nge 1 ka nya emdlalweni oqhutshelwe enkundleni ye Ascot namhla emini.

Limpumela itsho ukuba iqembu le Ngezi yilo elihlezi phezu kwengalane lilemiklomelo elitshumi lambili kuthi ngaphansi kwalo kuleqembu le FC Platinum lona elilemiklomelo elitshumi njalo elinqobe ele Bulawayo City nge 1 ka nya emdlalweni obusenkundleni ye Mandava.

Amanye amaqembu alemiklomelo elitshumi ngagoqela ele Chicken Inn kanye lele Highlanders ngemva kokuba ele Chicken Inn libhuqe ele Shabanie Mine nge 3 ka nya enkundleni ye Luveve kuthi ele Bosso litshaye ele Dynamos nge 1 ka nya eRufaro.

Ekhuluma lentathelizindaba zemidlalo ekupheleni komdlalo umqeqetshi weqembu le Chicken Inn uJoey Antipas utshayele ihlombe abafana bakhe ngokunqoba kwabo njalo bengahlohlwanga.

“Kuqakathekile ukungahlohlwa. Kungcono ukuba liqembu eliqinileyo elikwazi ukuvikela isango lalo kodwa elenelisa ukuhlohla lona njalo kuqakathekile ukuqala kuhle isizini njalo khona ukuthi asikanqotshwa kwenza abadlali bethu bangene emdlalweni wethu olandelayo belokuzithemba.”

Kweminye imidlalo edlalwe namhla iqembu le Mutare City libe ngutshiki lobhanqa 1 ka 1 lele Harare City kuthi ele Triangle litshaye ele ZPC Kariba nge 1 ka nya.

Iqembu le ZPC Kariba yilo lodwa elingakatholi ngitsho lowodwa umklomelo sekudlalwe imidlalo emine kusizini yalonyaka njalo yilo elijeke amanye engalaneni yemiklomelo ikanti phezu kwalo kule Dynamos le Mutare City wona alomklomelo owodwa.

Facebook Forum

XS
SM
MD
LG