amalinks wokungena

Breaking News

Highlanders: Sisebenza Gadalala Ukunqoba Emdlalweni Olandelayo


Madinda Ndlovu

Iqembu le Highlanders selitshiywa ngemiklomelo eyisithupha liqembu elihlezi phezu kwengalane ele Ngezi Platinum Stars ngemva kokunqotshwa okwakuqala lidlala lisekhaya nge 2 ka 1 ngele ZPC Kariba ngeSonto.

Iqembu le Highlanders selitshiywa ngemiklomelo eyisithupha liqembu elihlezi phezu kwengalane ele Ngezi Platinum Stars ngemva kokunqotshwa okwakuqala lidlala lisekhaya nge 2 ka 1 ngele ZPC Kariba ngeSonto.

Iqembu le Ngezi Platinum Stars lihlezi phezu kwengalane yemiklomelo lilemiklomelo engamatshumi amabili lesithupha ngemva kokuba libhaxabule ele Yadah Stars nge 5 ka nya ngoMgqibelo kuthi ngosuku olufanayo iqembu le FC Platinum lona elihlezi endaweni yesibili lilemiklomelo engamatshumi amabili lanhlanu linqobe ele Herentals nge 2 ka 1.

Iqembu le Bosso liyale lilokhu lisendaweni yesithathu lilemiklomelo engamatshumi amabili njalo umqeqetshi walo uMadinda Ndlovu uthi kuzamele bephange bekhohlwe ngokwenzakale ngeSonto loba nje ngendlela abadliwe ngayo kufana nje lokuba bazigwaze ngowabo.

“Kuyatholakala lokhu emdlalweni wenguqu kodwa okungekho mnandi yindlela esidliwe ngayo sidlala singekhaya okungenza kube nzima ukuba sikhuthaze abafana ukuba bengalengisi amakhanda kodwa kuzamele sibakhuthaze ukuba banqobe emdlalweni olandelayo,” kugcizelela uMadinda.

Ngaphansi kweqembu le Highlanders kulamaqembu amabili alemiklomelo elitshumi lathoba munwe munye abalisa ele Chicken Inn kanye lele Triangle njalo abafana be Chicken Inn banqobe abe Bulawayo City nge 2 ka 1 ngoMgqibelo kuthi abe Triangle batshaye abe Bulawayo Chiefs nge 2 ka nya ngeSonto.

Iqembu le ZPC Kariba lithe ngokunqoba ele Highlanders lahle laphakama lisuka emsileni wengalane yemiklomelo layahlala endaweni yesine nxa usuka ngaphansi lilemiklomelo eyithoba minwe mbili ikanti ngaphansi kwalo kuleqembu le Chapungu lalo elilemiklomelo eyithoba minwe mbili kuthi elihlezi endaweni yesibili nxa usuka ngaphansi kwengalane ngele Bulawayo City elilemiklomelo eyisikhombisa kubesekusithi ele Mutare City yilo elijeke amanye engalaneni lilemiklomelo eyisithupha.

please wait

No media source currently available

0:00 0:01:17 0:00

Facebook Forum

XS
SM
MD
LG