amalinks wokungena

Zibuhlungu Inhliziyo Zabanqotshwe Kumncintiswano weHip Hop


UCalvin uhlabela eGermany.

Umkhosi wokuphiwa imivuzo kwalabo abanqobe kumncitiswano wZimbabwe Hip Hop Awards owenzelwe eHarare ngempelaviki utshiye inhliziyo zabaculi abanengi abakade bekhangelele ukunqoba, zidabukile.

Omunye wabo nguCalvin Nhliziyo, ongumculi okhangelelwa ukuba phezulu kulabo bonke kulumdumo weHip Hop koBulawayo.

Echasisa ngokunqotshwa kwakhe kulomncitiswano lokuthi usehlela ukwenzani okwamanje, uCalvin uthe wathaba kakhulu ukuthi yena wathola ama nomination ayi 7 kumncitiswano lo kodwa ukunqotshwa kwakhe kwamtshiya elemizwa exubile.

Uphinde wathi wanqotshwa ngoba akatholanga amavote amanengi. Kodwa-ke uthi ukunqotshwa kwakhe kutshengisa ukuthi uyasebenza kakhulu kwezomculo.

“Kulo mnyaka ngikhiphe idlalade njalo ngelanga lami lokuzalwa ngaphinda ngakhipha ingoma ebizwa ngokuthi Changes engiyenzele bonke abalandeli bami.”

Echasisa kabanzi lalengoma, uthe ukuze ayibhale wacabanga ngokwenzakala nsukuzonke ebantwini.

“Ngomyaka ozayo ngizobe ngikhipha umculo endaweni ezitshiyeneyo ngoba ngizobe ngisebenza labantu abaphuma kwamanye amazwe.”

Laba abafisa ukuthola ulwazi oluthile mayelana lama HipHop Awards bangawuthola ku Facebook kukhasi labo elingaphansi kwegama Zim Hip Hop Awards, njalo laba abafuna ukuthola ulwazi oluthile mayelana lomculo ka Calvin kumele baye kukhasi lakhe le Facebook elibizwa Cal Vin.

XS
SM
MD
LG