amalinks wokungena

Breaking News

Kufe Abenkonzo yesiPostoli Abalitshumi Lantathu Engozini yeKhombi leHonda Fit eHeadlands


(File picture)

Kulabantu abalitshumi lantathu abefele engozini yomgwaqo ngoMvulo ekuseni ngemva kokungqikilana kwekhombi lemota encane yohlobo lweHonda Fit duzane leHeadlands, esigabeni seManicaland.

Ikhombi le ibikwa ibithwele abazalwane benkonzo yesiPostoli bevela kumbuthano wephasika.

Abalimeleyo bedlula itshumi lasikhombisa njalo bathwalelwe esibhedlela seMarondera leseParirenyatwa; ngokutsho komsakazo weZBC.

Kulabantu abangamaPostoli njalo abalitshumi lane abatshaywe yi-roli ngeviki edluleyo bafa eWedza ngesikhathi bemeele ibhasi eceleni komgwaqo.

Ingozi yangoMvulo yenza inani labafele emgwaqweni ngekhefu lephasika eliphela namuhla, lifike kumatshumi amathathu lanye, 31.

Isikhulumeli samapholisa uAssistant Commissioner Paul Nyathi uthe ebengenelisi ukukhuluma ngalingozi ngoba ubesemfeni.

Sixoxe lomeli weBulawayo East edale lephalamende uMnu Ilos Nyoni, yena olilunga njalo lekhomithi ekhangelane lokuhamba kwezimota.

UNyoni utshele iStudio 7 ukuthi uhulumende kumele athathe amanyathelo aqinileyo ukuze kwenqatshelwe ingozi ezihlezi zithatha impilo zabantu mahlayana nje.

please wait
Embed

No media source currently available

0:00 0:02:48 0:00

Facebook Forum

XS
SM
MD
LG