amalinks wokungena

Human Rights Watch: Uhulumende weZimbabwe Ukhahlameza Uzulu

  • Bennedict Nhlapho

Amapholisa atshaya abantu abatshengiselayo eZimbabwe.

Umbiko wenhlanganiso elwela ezamalungelo oluntu emhlabeni jikelele eye Human Rights Watch (HRW) okhangele ukwephulwa kwamalungelo oluntu ngo 2016, wethesa uhulumende weZimbabwe umlandu wokusebenzisa ucuku lodlakela olukhulu ukuncindezela abaphikisana laye.

Inhlanganiso le ithi uzulu uyahlukunyezwa nxa etshengisela ngokwephulwa kwamalungelo oluntu, ubunzima bezomnotho lokwehluleka kukahulumende ukulungisisa imithetho yezokhetho.

Ngokutsho kombiko weHuman Rights Watch, ngo 2016 amapholisa asetshenziswe kakhulu nguhulumende ekwephuleni amalungelo oluntu. Ngomyaka lo kubotshwe, lokutshaywa lokwethuselwa kwabalwela amalungelo oluntu, intatheli, abamabandla aphikisayo, labantukazana ababesethula ukungathokozi ngendlela uhulumende abusa ngayo.

Lumbiko usola kakhulu ukubotshwa kwabantu abedlula ikhulu abatshengisele ngoNhlangula, labanye futhi ababotshwe ngo Ngcwabakazi lezifundi ezibotshwe ngoLwezi.

Zimbabwe Riots
Zimbabwe Riots

Inhlanganiso le isola njalo ukwethuselwa, ukutshaywa loba ukubotshwa kwentatheli ezedlula amatshumi amathathu lanye.

Umcwaningi enhlanganisweni ye Human Rights Watch, uMnu. Dewa Mavhinga, uthi bakhathazeke kakhulu ngokwephulwa kwamalungelo oluntu eZimbabwe.

“IHuman Rights Watch ikhathazekile kakhulu ngoba eZimbabwe, uPresident uMugabe uphambanise ama human rights abantu abanengi kakhulu. IZanu Pf ibisipha abantu ukudla incitsha abanye abe MDC, njalo amapholisa abetshaya ama human rights defenders, abotshwa amahuman rights defenders phandle komthetho.”

IHuman Rights Watch ithi ngo 2016 uhulumende utshengisele ukungawuhlonipho umthetho. Ithi imthetho ye POSA le AIPPA iqhubeke isetshenziswa mahlayana kungenani lokuthi lokho kuphikisana lesisekelo sombuso esitsha sika2013.

Isizalwane seZimbabwe umnumnzana Mongezi Mpofu uthi ngo 2016 uzulu uphile sengathi uselizweni elisempini.

“I-problem yeZimbabwe yikuthi vele ungathi uyakhuluma umthetho uyaqinisa isandla. It’s either unganyamalala njengoba kulama cases abantu abanyamalalayo esingaziyo lokuthi bayaphi abasafunakalayo lamanje. So into ekhona eZimbabwe yikuthi, hayi vele it’s more of a military state.”

Lumbiko usola njalo uMongameli Robert Mugabe ngokuzama ukungenela emsebenzini yabehluli ngesikhathi ebasola ngokukhulula abatshengiselayo abebebotshwe ngokungekho emthethweni.

Uthi njalo uMongameli Mugabe wenze elinye iphutha ngokukhuluma kubi ngombiko wekomishini yezamalungelo oluntu ebisola ubandlululo lukahulumende ekwabiweni kokudla koncedo.

Amapholisa atshaya abantu abatshengiselayo eZimbabwe ngoNhlangula.
Amapholisa atshaya abantu abatshengiselayo eZimbabwe ngoNhlangula.

EleSouth Africa lenhlanganiso yeSouthern African Development Community betheswa umlandu wokwehluleka ukuyutshela uMongameli Mugabe ukuthi amise ukwephulwa kwamalungelo oluntu elizweni lakhe.

Isizalwane seZimbabwe uMnu. Jonathan Mbedzi uthi, “Kunalokhu ukwesaba ukuthi singakhuza umngane wethu, nathi masesivelelwa yindaba enje lathi esingeke sithole usizo from iZimbabwe, because i-SADC bekufanele ibonise mpela ukuthi yi organization ezimeleyo but mina ngibonanje engani bacontrolwa yiyo iZanu PF or i-government yaseZimbabwe.”

Lumbiko uncoma eleBotswana, iMelika lamazwe eEurope ngokuphumela egcekeni besola ukwephulwa kwamalungelo oluntu eZimbabwe.

XS
SM
MD
LG