amalinks wokungena

Breaking News

'Akuholiswe Izisebenzi Zenkampani yeHwange Colliery'


Amalunga enhlanganiso yeZCTU.

Umanyano wenhlanganiso yezisebenzi, eyeZimbabwe Congress of Trade Unions (ZCTU), isitshele uhulumende ukuthi sokufuze alungisise udaba lwezisebenzi zeHwange Colliery Company esezileminyaka zingatholi iholo.

Lokhu kukhulunywe ngumongameli weZCTU, uMnu. Peter Mutasa, emahofisini alinhlanganiso eHarare lapho athe abomkabo bezisebenzi zeHwange Colliery asebelamaviki amabili belala phandle kwemahofisini alinkampani betshengisela besithi abasela kudla ezindlini zabo njalo abaphathekanga ngokungatholi iholo labomkabo njengoba bengasenelisi kunakekela imuli zabo.

Umsekeli wesikhulumi sohlangothi lwabasakhulayo kubandla leMDC-T, uMnu. Vusumuzi Moyo, ohlala edolobheni leVictoria Falls uthi uMongameli Emmerson Mnangagwa sehluleke ukutshintsha ilizwe njengalokho akuthembisayo njengoba waletha ibutho ukuthi lizotshaya abafazi ababetshengisela eHwange.

Okhokhela inhlanganiso yabasakhulayo eye MDC, uHappmore Chidziva, uthi umbuso kaMnangagwa ususibanzima ukwedlula oka Mugabe kodwa uzulu kakakunanzeleli lokhu.

Omkabo bezisebenzi zeHwange abaqali namhla ukutshengisela.

Ngo 2013 omama abangu 100 bahamba umango owedlula amakhilomitha angamatshumi amabili besiya khankasa kodwa bathi sebetshengisela bathunyelwa ibutho ngowayengumongameli, uMnu. Robert Mugabe.

Ngeviki labo lokuqala bathunyelwe amapholisa lebutho batshaywa kodwa bathi bona abasoze basuke emahofisini enkampani le uhulumende le company le bazebaphiwe imalizabo abanye okuthiwa sebeleminyaka phose emihlanu bengaholi.

Facebook Forum

XS
SM
MD
LG