amalinks wokungena

Breaking News

I-Chicken Inn Yiyo Ehlezi Phezu Kwengalane Yemiklomelo eyePSL


Iqembu lenguqu eleChicken Inn FC

I-Chicken Inn ihlezi phezu kwengalane yemiklomelo loba nje ilingene ngemiklomelo lamaqembu abalisa ele FC Platinum kanye lele Hwange, womathathu elemiklomelo eyisithupha, ngoba lona lingakahlohlwa emidlalweni yalonyaka.

Kumidlalo yabo emibili abafana baka Joey Antipas banqobe iqembu le ZPC Kariba lele Yadah nge 2 ka nya kuthi ele FC Platinum lona emdlalweni walo wakuqala linqobe ele Harare City nge 2 ka nya kwathi kowesibili linqobe ele Triangle nge 2 ka 1.

Iqembu le Hwange lona litshaye ele Yadah nge 2 ka nya emdlalweni walo wakuqala kuthi ngempelaviki eyedluleyo litshaye ele Dynamos nge 2 ka 1.
Iqembu le Chicken Inn like laphakamisa isicoco se PSL ngomnyaka ka 2015 njalo lonyaka lithenge abadlali abambalwa kuyindlela eyokuzama ukuhluthuna isicoco kuqembu le FC Platinum lona eseliphakamise inkezo ye PSL eminyakeni emibili edluleyo.

Emdlalweni walo olandelayo iqembu le Chicken Inn lizadlala lele Dynamos okungumdlalo olakho ukupha isibonelo esokuba lizimisele kangakanani ukuphakamisa isicoco ikanti ele FC Platinum lona lizadlala leqembu elingene lonyaka kusigaba saphezulu ele Mushowani Stars kuthi ele Hwange lizemukela iqembu le Ngezi Platinum Stars ngasemalahleni.

Umdlalo obekuyiwo obukhangelwe ngabanengi ngempelaviki eyedluleyo obuphakathi kweqembu le Highlanders lele CAPS United uphele zingutshiki lobhanqa 0 ka 0 njalo umqeqetshi weqembu le Highlanders uMadinda Ndlovu utshele intathelizindaba ukuba uyasuthiseka ngendlela abafana bakhe asebedlale ngayo kumidlalo emibili asebeyidlale lonyaka.

Ngiyathokoza kakhulu ngendlela esesidlale ngayo kumidlalo emibili esesiyidlalile njalo ngilethemba elokuba ngesikhatshana esilandelayo abafana bazabe sebeqine njengabanye abadlali abamaqembu aqhube kuhle amalungiselelo abo alonyaka.

Sikhangele umdlalo wokugijima:
Umjaho walonyaka owe PPC Matopos 33 Miler ungenwe ngabadlali abazinkulungwane ezintathu lamakhulu amahlanu njalo abanqobe lonyaka ngabathi uAndrew Chimbidzikai oweqembu le Black Rhinos kucele labesilisa kuthi kucele labesifazane kunqobe uChiedza Chokore. Bobabili laba yibo njalo abanqobe lanyakenye.

Ekhuluma phezu kwenani labadlali eliyadlala lilokhu likhula isiphathamandla se Bulawayo Athletics Board uManuel Mpofu uthe ikusasa yomncintiswano we PPC Matopos 33 Miler inhle kakhulu.

Umgijimi uChimbikidzai
Umgijimi uChimbikidzai

UChimbidzikai lo Chokore bathole inkulungwane ezintathu ezamadola awohlobo lwe RTGs ngemva kokuba abasekela ngemali abe PPC bengezelele imali njengoba nyakenye abanqobileyo bebephiwa inkulungwane eyodwa.

Ezemidlalo siloJoseph Njanji
please wait

No media source currently available

0:00 0:03:00 0:00

Facebook Forum

XS
SM
MD
LG