amalinks wokungena

Breaking News

Umkhuhlane Wetshukela oweDiabetes Uphazamisa Indaba Zencansini Kwabatshadileyo


Inhlanganiso eye Diabetes Association of Zimbabwe

Inengi labesilisa yibo abahlanga laloludubo lapho omkabo sebesithi baloyiwe ngoba bengasenelisi ukubasuthisa emacansini.

Kungalesi sizatho abenhlanganiso ye Zimbabwe Diabetes Association beqhubeka ngemikhankaso yokutholisa uzulu imfundiso phezu kokungabangelwa yilesi sifo se tshukela emuntwini oyabe elaso.

Umqondisi wenhlanganiso le uDr John Mangwiro uthi kulusizi ukuba inengi limotsha isikhathi lilwisana ngodaba olusegcekeni ngokuswela ulwazi.

Unkosikazi Thandiwe Mdluli wase Hatfield uthi yena usekuzwisisa lokho kungakho engaselalo loludubo lowangakwakhe.

Kungesifanayo lakunkosikazi Sihle Sibanda wase Kambuzuma othi kwaze kwathi dlwe kuye ngemva kokutholiswa imfundiso ngabenhlanganiso ye Diebetes Association.

Abe Diebetes Association bathi luqhubeka luqansa loludubo lemitshado ichitheka ngoba kungasahambi kuhle emacansini, bengakuzwisisi ukuba kungani omunye wabo engasuthisi omunye.

Isikhathi esinengi kuvame ukucatshangelwa ukuba uyabe eloyiwe lowo oyabe engasaqhubi kuhle emacansini ngenxa yokuswela imfundiso.
Isilinganiso sokulitshumi ekhulwini likazulu weZimbabwe libikwa kungabaphila le diabetes kodwa ingcwethi zithi okudanisayo yikuba inengi lingazi ukuba lilaso.

please wait

No media source currently available

0:00 0:02:13 0:00

Facebook Forum

XS
SM
MD
LG