amalinks wokungena

Breaking News

I-European Union Ipha I-Zimbabwe Isipho SamaAmbulance

  • Mavis Gama

Amazwe akunhlanganiso womanyano weEuropean Union anikeze uhulumende weZimbabwe, isipho semotha ezithwala izigulane ama ambulance ohlobo lwe Toyota Landcruiser angamatshumi ayisithupha lantathu- 63, azasetshenziswa ezibhedlela zemaphandleni.

Umkhosi wokunikezwa kwabezempilakahle ama ambulance abiza izigidi ezintathu zamadola-$3 million, wenzelwe e-Arundel Office Park eHarare ngolweSihlanu ekuseni.

Obengumhlonitshwa kulomkhosi umphathintambo wogatsha lwezempilakahle uDr Henry Madzorera utshele uzulu obekulomkhosi ukuba ama ambulance la azaphathisa kakhulu uzulu wemaphandleni obebhekane lodubo lokusilela kwezimota ezithwala abagulayo ikakhulu omama ngesikhathi bezithwele.

Lesi sipho siza ngaphansi kohlangothi lwabesifazana enhlanganisweni yomanyano wamazwe omhlaba i-United Nations Population Fund ( UNFPA ).

Abezempilakahle baveza ukuba lezizimota ezithwala abagulayo zizasetshenziswa ezigabeni ezingamatshumi ayisithupha lantathu- 63 zemaphandleni ukuze kwehliswe inani elilahlekelwa yimpilo ikakhulu omama ngesikhathi bezithwele.

Kunje babika ukuba balitshumi omama ngelanga abalahlekelwa yimpilo ngesikhathi bebeletha ngenxa yezizatho ezimbalwa ezilakho ukuvikeleka okufana lokuphuza ukufika esibhedlela.

Abenhlanganiso ye “Women In Politics Support Unit- WIPSU” baphawule umkhankaso wokukhuthaza uzulu ukuba akhethe inkokheli zisifazana ngasikhathi sinye abezifazana abangontanga bakhuthazwa ukuphatheka kwezombusazwe ngesikhathi kulungiselelwa ukhetho olukhangelelwe ukwenziwa ekupheleni kwalonyaka.

Kusenjalo umgcinisihlalo wohlangothi olubona ngendaba zabesifazana edale le phalamende uNkosikazi Beatrice Beater Nyamupinga ukhuthaze omama ukuba basekele abanye babo ukuze bangene ezikhundleni zobukhokheli kungakhathalekile ukuba ngabaliphi ibandla.

Lumkhosi ungenwe ngamalunga edale lephalamende awesifazana awamabandla wonke aleli dale,inkokheli zamalunga enhlanganiso ezilwela ilungelo labesifazana, amalunga edale awesilisa kanye lenkokheli kungatsha zikahulumende.

please wait

No media source currently available

0:00 0:05:10 0:00
Lapho esitholakala khona
XS
SM
MD
LG